Öxarfjarðarskóli

Velkomin á heimasíðu Öxarfjarðarskóla

Öxarfjarðarskóli er rekinn í Lundi í landi Ærlækjar í Öxarfirði. Skólinn er í afar fallegu umhverfi frá náttúrunnar hendi, mikið birkikjarr og stutt í Jökulsána og þjóðgarðinn.

Lesa meira

• Matseðlar o.fl

  Almennt - mánudagur 30.ágú.10 17:37 - Lestrar 49

  Skólastarf hefur farið afar vel af stað og er ánægjulegt hvað nemendur mæta glaðir og jákvæðir til leiks. Það er góður andi í hópnum og starfsfólk er ánægt með hversu vel hefur gengið þessa fyrstu daga.

  Matseðill sem gildir út september er kominn á netið og er hægt að finna hann með því að smella á Mötuneyti hér til vinstri á síðunni og velja þar matseðla í felliglugga sem opnast. Síðan er smellt á tengilinn sem birtist í aðalglugga og þá verður hægt að hlaða niður eða opna Word-skjal með viðkomandi matseðli. Þarna munu matseðlar vetrarins birtast jafnóðum og þeir verða tilbúnir.
  Einnig er hægt að opna matseðilinn beint hér.

  Gjaldskrá leikskóla er einnig kominn á vefinn fyrir þetta skólaár. Hana má finna undir tengli leikskóla hér til vinstri eða með því að smella hér.

• Skólastarf að hefjast

  Almennt - fimmtudagur 19.ágú.10 10:00 - Lestrar 73

  Þessa dagana hefur starfsfólk verið á námskeiðum og að vinna að því að undirbúa skólabyrjun komandi skólaárs.

  Skólinn verður settur þriðjudaginn 24. ágúst kl. 18:00.

  Skólahald hefst samkvæmt stundaskrá miðvikudaginn 25. ágúst og munu skólabílar fara á hefðbundnum tíma frá Fjöllum og Kópaskeri (7:45).

  Hér að neðan eru innkaupalistar hverrar deildar en við viljum benda á að nýta endilega það sem til er frá fyrri árum.

  Smellið hér til að fá skóladagatal komandi skólaárs. 

  Innkaupalisti unglingadeildar

  Innkaupalisti miðdeildar

  Innkaupalisti yngstudeildar

• Frábær árshátíð - aukasýning á Hárinu

  Almennt - fimmtudagur 25.mar.10 23:34 - Lestrar 178

  Nú er nýlokið stórkostlegri árshátið skólans þar sem nemendur fóru á kostum.
  
  Nemendur í 1. til 3. bekk ásamt elstu leikskólabörnum sungu tvö lög og dönsuðu Michael Jackson dans ásamt Önnu Karen og Sylvíu Dröfn sem jafnframt sömdu dansinn. Þau voru dásamleg á sviðinu og aðdáunarvert hvað þau voru róleg þegar tæknin var að stríða okkur en Jackson lagið vildi ekki spilast alminnilega fyrr en í þriðja tækin sem ver prófað. Á meðan biðu þau sallaróleg og yfirveguð á sviðinu. Þegar lagið komst loks af stað sýndu þau mikil tilþrif og voru flottt í dansinum.
  
  4. til 7. bekkur sýndu atriði sem sett var saman utan um kvæði Stefán Jónssonar sem flestir þekkja en þau eru m.a. Guttavísur og Ranga gamla í hænsnakofanum. Þau sungu kvæðin við undirleik Björns Leifsonar á milli þess að leika stutta leikþætti í kringum þau. Krakkarnir stóðu sig allir mjög vel og var gaman að sjá þessar gamalkunnu vísur í lifandi búningi.
  
  Nemendur unglingadeildar sýndu söngleikinn Hárið. Eftir mikla og oft erfiða vinnu við æfingar skiluðu þau sínu með miklum sóma. Þetta erfiða og krefjandi verk með mörgum löngum einræðum, miklum samtölum, söng og dansi var sýnt með slíkum sóma að krakkarnir geta verið stoltir af. Þarna unnust margir persónulegir sigrar og leikgleðin var allsráðandi.
  
  Við viljum minna á að við ætlum að vera með aukasýningu á Hárinu á morgun, 26. mars, klukkan 20:00 í Skúlagarði. Við hvetjum þá sem áhuga hafa til að láta þessa frábæru sýningu ekki fara fram hjá sér.
  
  

  Miðaverð:     

  1.500 kr fyrir fullorðna

  1.000 kr fyrir börn á grunnskólaaldri

  frítt fyrir yngri en 6 ára
  
  Miðapantanir í símum 465-2244 eða í 862-3738 og 616-6011

  
  Myndir verða settar inn fljótlega.