Fréttir

Lokahátíð Stóru upplestrarkeppninnar fór fram á föstudaginn var, 8. mars, Safnahúsinu á Húsavík. Tíu ungmenni úr 7. bekk úr Borgarhólsskóla, Þingeyjarskóla, Grunnskólanum á Þórshöfn og Öxarfjarðarskóla komu fram og fluttu ljóð og sögubrot fyrir gesti. Í fyrstu umferð voru lesnar svipmyndir úr skáldsögunni Þín eigin þjóðsaga eftir Ævar Þór Benediktsson. Í annarri umferð voru lesin ljóð eftir Önnu Sigrúnu Snorradóttir. En í þriðju og síðustu umferð fengu lesarar val um hvaða ljóð þeir vildu flytja. Öll þessi ungmenni stóðu sig með miklum sóma. Okkar fulltrúi, Ingvar Örn Tryggvason, flutti ljóðið Heimaslóð eftir langafa sinn Tryggva Ísaksson. Ingvar Örn stóð sig með sóma og flutti sitt mál vel. Nemendur Tónlistarskóla Húsavíkur og Þingeyjarskóla voru með tónlistaratriði. Í fyrsta sæti var Katla Marín Þorkelsdóttir úr Borgarhólsskóla, í öðru sæti var Arndís Inga Árnadóttir úr Þingeyjarskóla og þriðja sæti skipaði Indriði Ketilsson úr Þingeyjarskóla. Myndin er frá Borgarhólsskóla. Lesa meira »

Við erum búin að fá leyfi hjá skólastjóra til að hafa öskudagsfjör eftir hádegi á miðvikudaginn 6. mars. (öskudag) Búið er að tala við skólabílstjórana Ágústu og Stefán og þau ætla að keyra út á Kópasker uppúr kl 12:30, með viðkomu í Silfurstjörnunni. Það ætti að vera pláss fyrir alla nemendur með þeim. Einnig er trúlegt að einhverjir foreldrar fari á bíl. Þegar komið er á Kópasker verður gengið í fyrirtækin og sungið. Að því loknu verður farið í íþróttahúsið, farið í leiki og haft gaman saman. Gaman væri, ef þeir foreldrar sem tök hafa á, gætu verið með í fjörinu :-) Foreldrar verða að sjá um að sækja börnin, ekki seinna en kl. 16;00. Með kveðju, stjórn foreldrafélagsins:Eyrún, Eyrún Ösp, Guðrún Lilja Dam og Jón Ármann.

Tónleikar Tónlistarskólans verða þriðjudaginn 12. mars næstkomandi kl 17:30. The music school will have it´s concert on the 12th of mars (Tuesday) 17:30. Tónleikar Tónlistarskólans verða næstkomandi þriðjudag, 12. mars, í Lundi kl 17:30. Nánari upplýsingar síðar. Lesa meira »