2011-2012

Litlu-jólin voru haldin í skólanum eftir hádegi 15. desember 2011. Nemendur voru paraðir saman þannig að elstu grunnskólanemendur aðstoðuðu yngstu börnin frá leikskóla og upp úr en nemendur miðdeildar pöruðust að mestu saman. Svo var farið niður í matsal þar sem borðar var hangikjöt og ís í eftirrétt. Nemendur fóru svo með kennurum sínum í stofur þar sem lesin var jólasaga, dregið í pakkapúkki og afhent jólakort. Að því loknu var haldið aftur niður í matsal þar sem Sigurður Tryggva spilaði á harmonikkuna og gengið var í kringum jólatré og sungið. Deginum lauk svo á kaffi þar sem smákökur voru á boðstólum.

Anka og Lotta héldu utan um Lúsíudag í byrjun skóladags þann 13. desember 2011. Þetta er nú orðin áralöng hefð við skólann sem kom inn með Önnu Englund þegar stelpurnar hennar byrjuðu hér í skóla. Og nú er Lotta komin í hlutverk mömmu sinnar að halda utan um undirbúninginn.

Tónlistarskólinn hélt sína jólatónleika í fyrir nemendur tónlistarskólans í Öxarfjarðarskóla og á Raufarhöfn þann 12. desember 2011

Dúa, Bogi, Bjarni og Siggi bökuðu pönnukökur í heimilsifræði hjá Gunnu Möggu

Jólaföndurdagur var haldinn eftir hádegi þann 6. desember.

Stella á Víkingavatni kom þann 17. nóvember í heimsókn og færði skólanum eintak af bókinni sinni; Náttúrutúlkun - handbók.

Skátahópurinn sem er í vali í lengdri viðveru hjá Guðrúnu, fóru ásamt Guðrúnu, Hrund og Kidda í Arnarstaðabásinn. Þar var prófað að síga, kveiktur varðeldur, grillaðar pylsur og sungið og leikið. Veðrið var yndislegt, stillt og þurrt en þó kalt. Krakkarnir voru ótrúlega duglegir að síga fram af ca 15 metra háum klettinum. Þau treystu búnaðinum sem þau höfðu prófað í brattri brekku árið áður. Mörg voru stressuð og hrædd þegar þau fóru fram af brúninni en ákveðin í að lata sig hafa þetta. Enda voru það ánægðir krakkar sem fóru heim í lok dagsins.