Skólinn

Öxarfjarðarskóli varð til haustið 2000 þegar Grunnskólinn í Lundi og Grunnskólinn á Kópaskeri voru sameinaðir. Skólinn starfaði áfram á báðum stöðum til vorsins 2008 Þá var deildunum á Kópaskeri og í Lundi skipt upp í sjálfstæðar stofnanir. Öxarfjarðarskóli er nú rekinn í Lundi og Kópaskersskóli á Kópaskeri. Jafnframt rann leikskóli á hvorum stað saman við skólana. Í Öxarfjarðarskóla eru allir bekkir unglingadeildar (8.-9.-10.) úr byggðalaginu við Öxarfjörð, ásamt nemendum 1.-7. bekkjar og leikskólabörnum úr Kelduhverfi og Öxarfirði.

Öxarfjarðarskóli er rekinn af sveitarfélaginu Norðurþingi.

Komandi skólaár, 2008-2009, mun Öxarfjarðarskóli hefja þróunarstarf með heildstæða skólstefnu, þar sem nemendur geti lokið námi og tómstunda- og félagsstarfi áður en þau yfirgefa skólann á daginn. Verður dagurinn lengdur hjá nemendum til klukkan 16 og ættu þessir þættir að rúmast innan þess tíma.

Vegna smæðar er árgöngum mikið kennt í samkennslu við skólann.

Huld Aðalbjarnardóttir var skólastjóri Öxarfjarðarskóla frá stofnun til hausts 2008. Núverandi skólastjóri er  Guðrún Sigríður Kristjánsdóttir. Deildarstjóri leikskóladeildar er Elisabeth Hauge.

Þótt skóli við Öxarfjörð sé rekinn í tveimur aðskildum stofnunum með rúmlega 30 km á milli verður  áfram samvinna milli skólanna. Meðal annars eru kennarar að hluta samnýttir á báðum stöðum.  Væntanlega má gera ráð fyrir áframhaldandi bekkjarheimsóknum á milli skólanna.