Félagsmiðstöðin með kaffisölu

Krakkarnir í félagsmiðstöðinni voru með kaffihús í versluninni Bakka síðasta föstudag. Það lukkaðist mjög vel og voru viðtökur góðar. Þau hafa nú verið að hringja út og bjóða fyrirtækjum að kaupa af sér bakkelsi.

Á næst komandi föstudag á að reyna aftur með kaffihús í Bakka. Þar verða krakkarnir með kaffi eða kakó og heimabakað meðlæti á boðstólum.

Þetta er allt til að gera suðurferðina á söngkeppni Samfés ódýrari fyrir krakkana. Það lítur út fyrir að verðið náist niður í það að vera í mesta lagi 3.000 kr.