Fréttakorn í janúar
29.01.2010
Kæru foreldrar/forráðamenn
Gleðilegt nýtt ár.
Lengd viðvera er kominn í gang í Öxarfjarðarskóla og hlutirnir eru að færast í fastar skorður eftir jólafrí. Að
vísu setur handboltinn sitt mark þessa dagana og mikill áhugi á að fá að fylgjast með honum og bara jákvætt að rætt sé um
eitthvað annað en kreppu í þjóðfélaginu. Í lengdu viðverunni á þriðjudag og fimmtudag stóð nemendum til boða
að fylgjast með landsliðinu og var stór hluti nemenda sem nýtti sér það.
Í lengdri viðveru er auk vinnustofu boðið upp á:
Þrekæfingar, hreyfingu og leiki, fótbolta, heimilisfræði, leiklistarnámskeið, opna handavinnustofu, smíðastofu og myndmenntastofu. Úr
grenndarsamfélaginu okkar koma Stefánar tveir með námskeið inn í lengda viðveru. Stefán Sigtryggsson, Garði, með fótbolta og
Stefán Rögnvaldsson, Leifsstöðum, með heimilisfræði.
Signe Ann-Charlotte Fernholm, hún Anka okkar, er komin til starfa aftur eftir fæðingarorlof. Anka hefur umsjón með 4.-5. bekk.
Mikill áhugi er á fótboltaspilum og í ákveðnum árgöngum kom upp órói og árekstar, í tengslum við spilin.
Ákveðið var á fundi með viðkomandi nemendum að koma ekki með spilin eða möppurnar í skólann fyrr en í , febrúar og
þá eingöngu á miðvikudögum.
Olga Gísladóttir hafði samband og færði okkur þær ánægjulegu fréttir að endurskinsvesti fyrir nemendur í
Öxarfjarðarskóla væru í höfn. Silfurstjarnan ætlar að gefa skólanum endurskinsvesti fyrir grunnskólabörnin og VÍS endurskinsvesti
fyrir leikskólabörnin. Það tekur einhvern tíma að útvega vestin og munuð þið frétta af því þegar þau koma
í hús.
Undankeppni félagsmiðstöðva á Norðurlandi fyrir söngkeppni Samfés er í dag, föstudaginn 29. janúar, á Akureyri.
Nánanst allir nemendur úr unglingadeildinni okkar fara og þar af verða sex stúlkur sem munu flytja gamla Trúbrotslagið Án þín.
Bestu kveðjur,
Guðrún og Hrund