Laus staða matráðs - tímabundin ráðning til eins árs

Öxarfjarðarskóli sem er samrekinn leik- og grunnskóli auglýsir lausa stöðu matráðs fyrir næsta skólaár 2025-2026. Nemendur og starfsfólk eru alls um 80 manns.
Um tímabundna ráðningu er að ræða til eins árs í 80% stöðu.

Helstu viðfangsefni og ábyrgð:

• Annast matseld og bakstur í samræmi við ráðleggingar landlæknis um mataræði barna í leik- og grunnskólum.
• Yfirumsjón með starfsemi í eldhúsi, innkaup og móttaka matvæla, skipuleggur matseðla og annast almenn eldhússtörf.
• Annast önnur tilfallandi störf t.d. í tengslum við fundi, aðrar samkomur og uppbrotsdaga.
• Reglubundin þrif á eldhúsi og matsal.

Hæfnikröfur:

• Matartækninám eða matreiðslunám.
• Krafa um verkkunnáttu til að leysa ólík/flókin verkefni og mikla starfsreynslu ásamt þekkingu af daglegum rekstri mötuneytis mikilvæg.
• Þekking og reynsla af næringarfræði, sérfæði vegna óþols og ofnæmis og gæðum matar er nauðsynleg.
• Góð samskiptafærni, sveigjanleiki, stundvísi og jákvætt viðmót gagnvart nemendum og samstarfsfólki nauðsynleg.

Í Öxarfjarðarskóla er lagt upp úr því að nýta hráefni sem mest úr heimahéraði.
Staðan er laus frá 6. ágúst 2025 og starfstími er til 10. júlí 2026.

Laun skv. kjarasamningum SGS og Sambands íslenskra sveitarfélaga.

Áhugasamir eru hvattir til að senda inn umsókn ásamt ferilskrá, afriti af leyfisbréfi og meðmælum á netfang skólastjóra hrund@oxarfjardarskoli.is

Nánari upplýsingar og fyrirspurnir má fá í síma 4652246 eða senda á netfang skólastjóra hrund@oxarfjardarskoli.is

Umsóknarfrestur er til 25.júní nk.