Myndir frá öskudegi

Krakkar af skólasvæðinu við Öxarfjörð gengu í fyrirtæki á Kópaskeri og sungu. Einnig var komið við í Silfurstjörnunni á leiðinni á Kópasker. Þótt veðrið væri ekki spennandi mátti sjá furðuverur á öllum aldri, allt frá tveimur elstu árgöngum leikskóla upp í elstu nemendur grunnskóla, vaða snjóinn á milli fyrirtækja. Þegar búið var að fylla nammipokana lá leiðin í Pakkhúsið þar sem kötturinn var sleginn úr tunnunni og dansað og leikið sér. Dagurinn heppnaðist vel og var einstaklega gaman að sjá einlæga ánægju og áhuga yngstu barnanna.
Myndir úr Pakkhúsinu.