Tengiliðir farsældar barna

Lög um samþætta þjónustu í þágu farsældar barna hafa tekið gildi og er unnið samkvæmt innleiðingaráætlun í Öxarfjarðarskóla. 
Samkvæmt farsældarlögunum eiga börn og foreldrar að hafa greiðan aðgang að þeirri þjónustu sem þau þurfa og að þau fái rétta aðstoð á réttum tíma, frá réttum aðilum. Með því að tengja þjónustuna saman og vinna í sameiningu að farsæld barna verður auðveldara fyrir börn og foreldra að fá aðstoð við hæfi. Nú er kominn nýr og aðgengilegur vefur sem kallast Farsæld barna og þar má finna nánari upplýsingar um hvað löggjöfin felur í sér og hvert hlutverk tengiliða er.

Börn og foreldrar þeirra hafa aðgang að tengilið í skóla. Hlutverk tengiliðar er fyrst og fremst að veita upplýsingar, aðstoða foreldra og barn og styðja við samþættingu á fyrsta stigi í samræmi við óskir foreldra og/eða barns. Í flóknari málum hafa börn og foreldrar aðgang að málstjóra hjá Norðurþingi eða þar sem þarfir barns liggja hverju sinni.
Foreldrar og börn geta leitað sjálf beint til tengiliðar.

Í Öxarfjarðarskóla starfa tveir tengiliðir farsældar.  Það eru deildarstjóri leikskóladeildar - Arna Ósk fyrir leikskóladeildina arna@oxarfjardarskoli.is og skólastjóri - Hrund fyrir grunnskólann hrund@oxarfjardarskoli.is 

Hér fyrir neðan eru myndbönd sem útskýra nánar hlutverk tengiliða og málstjóra:

Tengiliðir

Málstjóri:

Stigskipting þjónustu: