Litlu jólin voru haldin hátíðleg í
skólanum í dag.
Smellið á lesa meira til að lesa pistil Guðrúnar skólastjóra um litlu jólin
Litlu jólin
Í dag, 18.
desember, voru litlu jólin haldin hátíðleg . Hátíðin hófst með því að allir komu saman í gryfju og nemendur í 8.
og 9. bekk sungu sálminn kunna Heims um ból á dönsku, þýsku, ensku og að sjálfsögðu á íslensku. Nemendur 4. bekkjar
spiluðu fyrir okkur á blokkflautur m.a. jólalag. Þetta var frumraun þessara nemenda í tónlistarflutningi á sviði og
stóðu þeir sig með ágætum.
Hátíðarmatur, jólasögur og pakkapúkk
Kl. 12:00 var hátíðarmatur til reiðu hjá Ellu og Björgu, Norður- þingeyskt hangikjöt ásamt meðlæti og ís og ávextir í eftirrétt. Skólastjóri las nemendur saman til borðs og voru eldri nemendur með yngri nemanda til borðs og studdu að sjálfsögðu við þá yngri.
Að hádegisverði loknum fóru nemendur í kennslustofur með kennurum þar sem lesnar voru jólasögur og farið í pakkapúkk.
Dansað kringum jólatré og marserað
Sigurður Tryggvason kom með nikkuna og spilaði fyrir dansinum og Rögnvaldur og
Daníel l
eiddu marsinn sem endaði
með hringferð um húsið. Þessari hátíð lauk með því að þær Björg og Ella báru fram
jólasmákökur.
Myndir frá leikskóla á
aðventu
Jólafrí
Jólafrí hefst 20. desember hjá grunnskólanemendum. Föstudaginn 19. desember, síðasta skóladag fyrir jól, munu nemendur vera í umsjá umsjónarkennara. Skólabíll fer frá Lundi á hefðbundnum föstudagstíma þ.e. kl. 13:30. Starfsdagur er hjá starfsfólki skólans 5. janúar 2009. Nemendur mæta svo á aftur í skólann, á nýju ári, á hefðbundnum skólatíma, þann 6. janúar. Leikskólabörn fara í jólafrí frá og með 24. desember og mæta aftur til leiks þann 6. janúar eins og grunnskólabörnin.
Leikskóladeild
Deildarstjóra leikskóladeildar langar að koma á framfæri þakklæti og kærum kveðjum til þeirra grunnskólanemenda Öxarfjarðarskóla sem komið hafa, í vali, með skemmtilegt og gott starf inn í leikskólann.
Jólakveðjur
Okkur langar til, fyrir hönd starfsfólks, að þakka foreldrum, forráðamönnum, nemendum og öðrum velunnurum kærlega fyrir gott samstarf í vetur og óskum ykkur öllum gleðilegra jóla. Hlökkum til að sjá ykkur á nýju ári.
Kær kveðja,
Guðrún og Hrund