Fréttir

Kæru foreldrar/forráðamenn Litlu jólin á morgun, fimmtudaginn 18. desember, og skólabí­lar fara örlí­tið seinna frá Lundi, heim eða kl. 16:15. Litlu jólin í­ Öxarfjarðarskóla eru á morgun 18. desember. Grunnskóladeildin ásamt leikskóladeildunum báðum sameinast í­ Lundi. Það verða lesnar jólasögur, dansað kringum jóltréð og við setjumst öll saman að veisluborði í­ hádeginu. Skólabí­larnir fara örlí­tið seinna af stað heim eða um kl. 16:15 þannig að börnin koma heim seinna sem því­ nemur. Kær kveðja, Guðrún S. K.

Kæru foreldrar/forráðmenn Tónleikar í­ Lundi kl. 17:30 Ég minni á tónleika Tónlistarskólans í­ kvöld, miðvikudaginn 17. desember kl 17:30. Kær kveðja, Guðrún S. K.

Kæru foreldrar/forráðamenn/nemendur og starfsfólk. Jólatréssala Þjóðgarðsins var fyrirhuguð á sunnudaginn en deginum verður flýtt vegna vondrar spár. Ákveðið hefur verið að flýta þessari uppákomu og hafa hana á laugardaginn 13. desember millli 11:00 og 16:00. Bestu kveðjur, Guðrún S. K. og Guðrún Jónsdóttir

Föndurdagur á morgun 9. desember Við minnum á föndurdaginn okkar á morgun og í­trekum að foreldrar, systkini, afar og ömmur eru velkomin. Heitt verður á könnunni. Ef einhverjir eiga gömul jólakort, eða framhliðar þeirra, væri vel þegið að fá þau til jólakortagerðar. kv, GSK

Kæru foreldrar/forráðamenn Foreldrafundur á morgun, fimmtudaginn 27. nóvember kl. 19:30 Undirrituð hefur fengið fyrirspurn um gildi rýmingaráætlunar Öxarfjarðarskóla ef bregðast þyrfti við með stuttum fyrirvara vegna goss undir jökli með fyrirsjáanlegum afleiðingum, flóði og ösku. Þetta verður tekið til umræðu á fundinum annað kvöld og ætlar Grí­mur, slökkviliðsstjórinn okkar að mæta á fundinn annað kvöld. Boðið verður upp á kaffi og piparkökur. Kær kveðja, Guðrún S. K.

Kæru foreldrar/forráðamenn Tónlistarkennarar búnir að semja: Verkfall tónlistarkennara er leyst og við reiknum með þeim til starfa á morgun miðvikudaginn 26. nóvember. Svo það er um að gera að hafa hljóðfærin og nóturnar með í­ skólann á morgun. Kær kveðja, Guðrún S. K.

Á starfsmannafundi Öxarfjarðarskóla þann 3. nóvember 2014 var eftirfarandi ályktun bókuð: Starfsmenn Öxarfjarðarskóla lýsa yfir fullum stuðningi við kjarabaráttu félags tónlistarkennara FT og skora á stjórnvöld að ganga þegar í­ stað til samninga við tónlistarkennara. Það er ólí­ðandi að þeir sitji ekki við sama borð og aðrir félagsmenn innan KÍ sem hafa nú þegar fengið launaleiðréttingu.

Okkar árlegu haustgleði er næstkomandi fimmtudag þann 6. nóvember næstkomandi. Þar verður boðið uppá mat og skemmtiatriði. Gleðin hefst í­ Lundi klukkan 19:00. Pantanir þurfa að berast í­ sí­ðasta lagi þriðjudaginn 4. nóvember í­ sí­ma 465-2244 eða á netfangið: lundur@kopasker.is Kveðja, GSK

Leikskóladeildir Öxarfjarðarskóla ætla að bjóða upp á ömmu- og afakaffi mánudaginn 10. nóvember. Ömmu- og afakaffi er kl. 14:30 í­ Lundi en kl. 15:00 á Kópaskeri. Ef afi eða amma komast ekki, eru góðir vinir eða frændfólk velkomið í­ heimsókn. Starfsfólk og nemendur leikskóladeilda hlakka til að sjá ykkur.

Heil og sæl öll! Í dag hefst landsátak í­ lestri Allir lesa og Öxarfjarðarskóli hefur skráð sig meðal keppenda. Um er að ræða tí­mabilið frá 17. október til 16. nóvember. Nemendur eiga að skrá hjá sér hversu lengi þeir lesa á hverjum degi og ég sé sí­ðan um að skrá tí­mann fyrir skólann í­ heild. Best er að skrá hjá sér í­ hvert sinn sem lesið er og taka sí­ðan saman heildartí­ma fyrir hvern dag. Við biðjum foreldra að hvetja börn sí­n áfram í­ lestri og taka þátt af fullum hug. Að sjálfsögðu eru hljóðbækur lí­ka skráðar sem lestur og einnig ef foreldrar lesa fyrir börn sí­n. Hægt er að skrá smærri hópa í­ þetta landsátak og geta fjölskyldur, vinnuhópar, vinahópar eða lestrarhópar tekið sig saman og skráð sig til þátttöku. Nánari upplýsingar má finna á vefnum www.allirlesa.is og jafnvel skrá sig ef fólk hefur áhuga. Með lestrarkveðju, Hrund