Fréttir og myndir frá yngri deild í Lundi
23.04.2008
Söguhornið:
Um daginn höfðum við í Yngri deild opið söguhorn hjá okkur og buðum við foreldrum, frænkum, frændum,
ömmum og öfum til þess að koma og segja okkur sögur.
Viðbrögðin voru góð og fengum við marga góða gesti til okkar. Gestir komu níu alls.
Og viljum við þakka vel fyrir það.
Gunnar í Sandfelli kom með ómskoðunartækið sitt og sýndi börnunum. Hann kom okkur svo sannarlega á óvart
þegar hann mætti í kennslustund með lítið lamb meðferðis og var ómskoðað í því hjarta og maga, þetta var
hrúturinn Lundi.
Ávaxtakarfan:
Einnig eru myndir frá því þegar undirbúningur fyrir árshátið stóð sem hæst og foreldrar barnanna
í mið og yngri deild mættu hér kvöldstund og saumuðu búninga.
Þar fór fram mikil og skemmtileg vinna. Og viljum við einnig færa þeim foreldrum og fleirum bestu þakkir.
Sama kvöld voru börnin í eldri deild með spilavist og fjáröflun með kaffisölu og var mætig
góð.
Það má einnig geta þess að sama kvöld var að auki fundur í einni skólastofunni, svo að það var
mikið líf og fjör.
Vigdís Sigvarðardóttir
Stóra
upplestrarkeppnin var haldin á Raufarhöfn í gær, 10. apríl. Þar kepptu nemendur úr 7. bekkjum skólanna í
Norður-Þingeyjarsýslu. Alls voru 8 nemendur sem tóku þátt. Við í Öxarfjarðarskóla áttum þrjá fulltrúa,
þau Maríu Dís, Daníel Atla og Önnu Karen. Áður hafði farið fram undankeppni í skólanum og urðu þau þrjú
stigahæst og unnu sér þannig þátttökurétt á Stóru upplestrarkeppnina. Allir nemendur 7. bekkjar tóku þátt í
undankeppninni og stóðu þau sig öll með mikilli prýði.
Það er mjög ánægjulegt að geta sagt frá því að enn eitt
árið á Öxarfjarðarskóli nemendur í einhverjum af 3 efstu sætunum. Allir keppendur stóðu sig mjög vel. María Dís
hlaut fyrstu verðlaun og Daníel Atli önnur verðlaun. Í þriðja sæti varð svo stúlka frá Raufarhöfn.