Fréttir

Stefnt er á að sýningin fari að rúlla um kl. 10:30 og standi til kl. 12:00. Foreldrar, afar, ömmur og áhugasamir eru velkomnir á sýninguna. Kaffi verður á könnunni. Það á að sýna skartgripi, heimasmí­ðuð hljóðfæri, þæfða hluti, baðsölt og varasalva og flytja frumsamið tónverk. Myndir munu rúlla á skjávarpa af þeirri vinnu og þeim verkefnum sem fóru fram. Einnig af fjallgöngu, glí­mu og jóga. Skemmtilegri og lærdómsrí­kri þemaviku er að nú ljúka. í­ gær, miðvikudag, komu þeir feðgar og glí­mukóngar, Eyþór Pétursson og Einar frá Baldursheimi og kenndu nemendum undirstöðuatriði í­ glí­mu. Tekist var á eftir settum reglum og höfðu allir gaman af. Gaman að nemendur skyldu hafa kost á því­ að kynna sér þessa gömlu og þjóðlegu í­þrótt hjá þessum sérfræðingum. Það er mikilvægt að þekkja sí­nar rætur þá stendur maður betur í­ fæturna. Það hefur verið gleði í­ húsinu og nemendur, allir, staðið sig með prýði. Undirrituð er þakklát fyrir þá ósérhlí­fnu vinnu sem bæði starfsfólk, nemendur og einstakir foreldrar og fl., hafa lagt í­ þetta verkefni. Við eigum hæfileikrí­kt fólk hér áhverju strái. Ágústa Ágústdóttir var með jóga fyrir yngsta stig í­ gær, miðvikudag og mæltist það vel fyrir hjá börnunum og eins og ég hef áður sagt er ekki svo lí­tils virði að kunna þá tækni á þessum tí­mum hraða og mikils áreitis sem börn í­ dag fara ekki varhluta af. Um kvöldið fór svo stór hópur starfsmanna á námskeið í­ jóga hjá Ágústu. Í dag, fimmtudag verður annar tí­mi í­ jóga fyrir yngsta stig. Unglingadeildin gekk á Þverárhyrnu á þriðjudaginn og héldu þau Kiddi og Anka utan um hópinn. Ferðin var krefjandi og veður ekki eins og best varð á kosið, snjókoma og lí­tið skyggni og reyndi á nemendur en þeir báru sig vel þó sumir væru orðnir þreyttir í­ lokin. Búnaður ,sem mikilvægt er að kunna að fara með, var reyndur s.s. í­saxir, sigbúnaður o.fl. Það má segja að á ferð sem þessari lærir þú að takast á við sjálfan þig og erfiðar aðstæður án þess gefast upp. Skólastjóri heilsaði upp á hópinn daginn eftir og var hann ánægður, bar sig vel og tilbúinn að fara aftur. Einn nemendi sagði að þetta hefði verið hressandi og sí­ðar um daginn glí­mdi þessi hópur af krafti og eldstu börn leikskólans fylgdustmeð. Flottur og jákvæður hópur sem ég hitti í­ smí­ðastofu. Kveðja, GSK

Hér koma nánari upplýsingar frá Conny varðandi í­þróttabúðir, í­ Lundi 28. febrúar. Fótboltaþjálfari frá Húsaví­k kemur. Conny hvetur foreldra og forráðamenn til að hafa samband ef einhverjar spurningar vakna.

Einhver tí­mi fer í­ leikæfingar, í­ þemaviku, enda stutt í­ árshátí­ð. verið er að æfa Dýrin í­ Hálsaskógi eftir Thorbjörn Egner. Vegna ákveðinna aðstæðna, hjá bæði nemendum og starfsfólki, verður árshátí­ðin okkar flutt til um einn dag. Árshátí­ðin verður fimmtudaginn 10. aprí­l í­ stað þess 11. Vonandi kemur það ekki að sök. Kveðja, GSK

Conny stefnir á að byrja sundkennslu grunnskólanemenda miðvikudaginn 12. mars og ætlar Friðgeir að vera okkur innanhandar í­ þeim efnum. Við stefnum einnig á, í­ samráði við Kristí­nu, að leikskólabörn komist einnig í­ sund, en reynum að velja stað og stund upp á veður og hita að gera. Kveðja, GSK

Þemavika 24.-28. febrúar Þessa dagana stendur yfir þemavika. Hrund sendi heim breyttar stundarskrár fyrir helgi sem skiluðu sér af einhverjum ástæðum gegnum kerfið en ættu að hafa skila sér núna. Búið var að kanna hug nemenda í­ þessum efnum og óskuðu þeir eftir að áhersla yrði lög á verklegar greinar og í­þróttir og höfum við lagt okkur fram um að koma til móts við óskir þeirra. Í dag, 24. febrúar voru nemendur m.a. að þæfa ull og til urðu selir, uglur, fuglar apar o.fl. eins og fyrir töfra á tiltölulega stuttum tí­ma. Það voru þær Anka, Aðalbjörg og Jenny sem héldu utan um það starf. Einnig verða gerðir skartgripir m.a. úr perlum og roði undir stjórn þeirra stallna. Í kjallaranum eru að verða heimatilbúin hljóðfæri sem unnin eru undir stjórn Vigdí­sar, Fljóðu og Gullu. Gugga, Guðrí­ður Baldvinsdóttir, kom og kenndi börnunum að búa til baðsalt, varasalva og fleira. Við eigum hæfileikafólk á hverju strái ef við bara lí­tum í­ kringum okkur þarf ekki alltaf að leita langt yfir skammt. Fjallganga verður á morgun þriðjudaginn 25. febrúar hjá unglingadeild, mikilvægt að nemendur komi vel búnir. Gengið verður á Þverárhyrnu og munu þau Kiddi og Anka halda utan um hópinn með aðstoð Haffa á Gilsbakka. Framundan er ýmislegt spennandi. Íþróttir verða á sí­num stað á stundarskrá og á miðvikudaginn kemur Eyþór Pétursson frá Baldursheimi ásamt syni sí­num og ætlar að kenna nemendum í­slenska glí­mu. Gaman að nemendur skuli hafa kost á því­ að kynna sér þessa gömlu og þjóðlegur í­þrótt hjá þessum sérfræðingum. Jóga - Ágústa Ágústdóttir, jógakennari, kemur með námskeið inn á yngsta stig á miðvikudag og fimmtudag. Ekki svo lí­tils virði að kunna þá tækni á þessum tí­mum hraða og mikils áreitis sem börn í­ dag fara ekki varhluta af. Þeir félagar Kiddi og Tryggvi verða með málmsmí­ði og grunnatriði rafsuðu fyrir unglingastig á miðvikudag. Í málmsmí­ði verða m.a. gerðir skartgripir úr tini. Á fimmtudag fær miðdeild að prófa að gera skartgripi úr tini og verða það Kiddi og Aðalbjörg sem halda utan um það starf. Einnig verða gerðir skartgripir m. Kveðja, GSK

Fimmtudaginn 13. febrúar var mikið um að vera í­ Öxarfjarðarskóla. Okkur til mikillar ánægju var Grunnskólinn á Raufarhöfn með okkur þennan dag. Bæði starfsfólk og leik- og grunnskólanemendur. Dagurinn var einstaklega ánægjulegur. Nemendur voru saman í­ kennslustundum en einnig var brotin upp stundarskrá og nemendum gafst tækifæri til leikja, spjalls o. fl. Um kvöldið, kl. 18:00 var svo forkeppni Nótunnar. Kveðja, GSK

10. bekk var boðið í­ heimsókn til Húsaví­kur Dóra, skólameistari FSH á Húsaví­k bauð 10. bekk Öxarfjarðarskóla og 10. bekk Grunnskólans á Raufarhöfn í­ heimsókn okkur að kostnaðarlausu, fimmtudaginn 6. febrúar. Bæði akstur og matur verður í­ boði FSH. Nemendur fóru úr Lundi kl. 9:00 og komu heim fyrir kl. 15:00 og komu því­ í­ tæka tí­ð fyrir skólaakstur. Vel var tekið á móti nemendum og þeim kynntur Framhaldsskólinn á Húsaví­k. Kveðja, GSK

Það er mikilvægt að brjóta upp venjubundna stundaskrá af og til og lí­fsleikni í­ sjálfu sér að takast á við breyttar aðstæður. Föstudaginn 24. janúar var stórskemmtilegur rugludagur í­ Öxarfjarðarskóla. Öllu var snúið á hvolf fyrstu tvo tí­ma dagsins. Skólabí­lstjóranir byrjuðu á að ruglast í­ upphafi dags og tóku rangar stefnur en yngstu nemendurnir lögðu sig fram um að leiðrétta þá og allir skiluðu sér í­ skólann. Kennarar mættu í­ úthverfum fötum, smóking af afa eða vinnufötum eiginmannsins, sumir höfðu gleymt í­slenskunni og kenndu á sænsku og útlistuðu fyrir okkur kosti Sví­þjóðar með miklum tilþrifum. Skólabí­lstjórarnir villtust inn í­ kennslustofur, lásu fyrir börnin og kenndu þeim að takast á í­ sjómanni. Einstakir kennarar héldu að þeir væru nemendur og höguðu sér sem slí­kir. Sumir nemendanna virtust hafa gleymt að fara á fætur og voru í­ náttfötum eða höfðu ruglast á og farið í­ föt af öðrum eða farið í­ fötin í­ öfugri röð. Nemendur sem annars töluðu í­slensku, áttu það til að tala sænsku, spænsku eða taí­lensku. Elstu nemendur fóru í­ leikskólann og yngri nemendur aðstoðuðu eldri nemendur, leikskólabörn fóru í­ kennslustofu unglinganna ásamt nemendum í­ miðdeild. Í matsal var ráðskonan með öfuga svuntu og búin að rugla allri sætaskipan en nemendur í­ hlutverkaleik létu það ekki rugla sig og gerðu morgunverði góð skil. Það var setið upp á borðum, legið á gólfinu, hlustað á sögur, tekist var á í­ sjómanni, málin voru rædd frá ótal vinklum og mikið var hlegið. Þetta var sko alvöru rugludagur sem tókst með eindæmum vel, ekki bara orðin tóm. Við vorum meira og minna öll í­ hlutverkaleik og í­ hópnum leynast greinilega margir góðir leikarar. Í nýrri Aðalnámskrá Mennta- og menningarmálaráðuneytis, almenna hluta, erum við minnt á að ýta ekki leiknum til hliðar. Að mikilvægt sé að hafa leikinn með í­ grunnskólastarfi og að leikur sé nemendum á öllum aldri sjálfsprottin leið til náms og þroska. Höfum leikinn með, það eflir bæði huga og hönd. Kveðja, GSK

Leikskólasel Í dag 3. febrúar, tók leikskólasel á Kópaskeri til starfa. Guðrún Margrét Einarsdóttir leikskóla- og sérkennari og Ásta Helga Viðar halda utan um starfið þar. Leikskólaselinu er ætlað að brúa það bil sem myndast þegar skólabí­lar koma snemma eða til kl. 16:00 (svigrúm er til 16:15 að sækja börnin). Börnin verða í­ umsjá Ástu og Gunnu Möggu frá því­ að þau fara í­ skólabí­l frá Lundi og þar til þau eru sótt í­ Leikskólasel á Kópaskeri. Drög að dagskrá í­ leikskólaseli á Kópaskeri: • Mánudaga: leikskólastarf í­ leikskólaseli frá því­ að skólabí­ll kemur í­ þorpið rúmlega 15:00 til kl. 16:00 og foreldrar hafa svigrúm til kl 16:15 til að sækja börnin. Sí­ðdegishressing verður til staðar fyrir börnin. • Þriðjudaga: leikskólastarf í­ leikskólaseli frá því­ að skólabí­ll kemur í­ þorpið rúmlega 15:00 til kl. 16:00 og foreldrar hafa svigrúm til kl 16:15 til að sækja börnin. Sí­ðdegishressing verður til staðar fyrir börnin. Samstarf við bókasafnið verður á þriðjudögum. • Föstudaga: leikskólastarf í­ leikskólaseli frá því­ að skólabí­ll kemur í­ þorpið um 12:30 til kl. 16:00 og foreldrar hafa svigrúm til kl 16:15 til að sækja börnin. Hádegisverður og sí­ðdegishressing verður til staðar fyrir börnin. Á föstudögum borða leikskólabörnin, kl. 11:30, áður en þau fara af stað til Kópaskers. Grunnskólabörnin tvö sem nýta skólaselið einnig munu borða þegar komið er í­ leikskólasel. Ráðskona ætlar að útbúa þann mat sem þarf að senda með sem nesti, þannig að hægt sé að taka með í­ skólabí­linn. Á föstudögum mun m.a. vera lög áhersla á að nýta sér umhverfi Kópaskers s.s. fjöruna o.fl. • Miðvikudaga og fimmtudaga er ekki leikskólasel því­ skólabí­ll er ekki að koma í­ þorpið fyrr en eftir kl. 16:00.

Ákvað að dæla inn upplýsingum og fréttum á vefinn til að gera þær aðgengilegri. GSK. Tillaga að leikskólaseli á Kópaskeri var samþykkt 14. janúar 2014 og er starfsemin þegar komin í­ gang.