Fréttir

Skólastarfið hefur farið vel af stað og koma nemendur vel stemmdir til leiks. Í dag var fyrsti dagur sundúthalds þar sem allur skólinn kom saman í Lundi. Til stóð að fara með nemendur í náttúruskoðun og þematengd verkefni í þjóðgarðinn í þessari viku en vegna rigningarspár var ákveðið að fresta ferðunum fram yfir helgi og sjá hvort veðurguðirnir verði okkur hliðhollari þá.

Þessa vikuna er undirbúningur í fullum gangi hjá starfsfólki skólans svo hægt verða að taka á móti nemendum. Skólasetning verður í skólahúsinu á Kópaskeri fimmtudaginn 24. ágúst kl. 17:30 en kennsla hefst mánudaginn 28. ágúst.

Eftir mjög skemmtilega og fræðandi Svíþjóðarferð, sem stór hluti starfsfólks skólans fór í núna í byrjun ágúst, var fyrsti kennarafundur vetrarins haldinn í skólahúsinu á Kópaskeri þann 18. ágúst. Þar voru lagðar línur að undirbúningsdögum komandi viku.