Við viljum minna á haustgleði nemenda sem halda á fimmtudaginn 28. október.
Glæsilegur matur og skemmtiatriði.
Pantanir í síma 4652244 til kl 12 föstudaginn 22. okt. eða á netfangið lundur@kopasker.is
17 ára og eldri 2500kr
Börn á grunnskólaaldri 1000 kr
Frítt fyrir börn yngri en 6 ára
Í sumar og haust hefur
verið unnið að endurbbótum á aðstöðu leikskóladeildar í Lundi. Byggt var andyri við innganginn og handmenntastofa færð svo nú
er leikskólinn í tveimur aðliggjandi stofum sem innangengt er á milli. Nýtt salerni var sett upp í eldri aðstöðu leikskólans og gluggi
settur á milli stofa. Í andyri er nú aðstaða til að geyma vagna og þar er einnig þurrkskápur svo hægt sé að þurrka blaut
föt.
Langþráð girðing er nú komin utan við leikskólann svo nú er sleppa yngstu börnum lausum án þess að eiga á hættu að týna þeim út í skóg. Innan þessarar girðingar er sandkassi og önnur leikaðstaða.
Þriðjudaginn 29.september tóku nemendur Öxarfjarðarskóla
þátt í Norrænaskólahlaupinu. Í boði voru þrjár vegalengdir, 2,5km, 5km og 10km. Voru það 41 nemandi úr grunnskólanum
og 2 úr leikskólanum sem tóku þátt. Krakkarnir fengu hið besta veður til að hlaupa í og stóðu sig með prýði. Krakkarnir
hlupu í heildina 172,5 km eða rúmlega vegalengdin héðan úr Lundi og inn á Akureyri.
ÞH
Um
miðjan september sl. heimsótti bréfdúfa okkur hingað í skólann. Hún hélt lengi til á svölunum utan vð kennarastofuna og var
hin spakasta þótt spígsporað væri í kringum hana og teknar af henni myndir. Hún var afar virðuleg og snyrti sig milli þess sem hún
hvíldist.
Myndirnar er hægt að skoða hér.