Fréttir

Frábær leiksýning

20.12.2007

Við teljum niðurUnglingadeild skólans frumsýndi í gærkvöldi söngleikin Wake me up before you go go! eftir Hallgrím Helgason. Í stuttu máli sagt stóðu þau sig frábærlega, enda var stemningin meðal áhorfenda eftir því, mikið klapp og fagnaðarlæti. Höfum við fengið mikið lof frá áhorfendum sem voru mjög ánægðir með sýninguna.

Önnur sýning er í kvöld kl. 20:00 og eru ennþá laus sæti. Nú er tilvalið tækifæri til að hrista í smástund af sér jólastressið og slaka á í alvöru leikhúsi, hlæja og skemmta sér yfir skemmtilegri og vel unninni leiksýningu.

Föndurdagur og Lúsí­uhátí­ð

20.12.2007

Lúsían í ár, Silja Rún, gengur framÍ síðustu viku voru föndurdagar og Lúsíuhátíð í skólanum. Þriðjudaginn 11. des var föndurdagur í skólahúsinu á Kópaskeri. Þar var ýmislegt föndrað frá níu um morguninn og fram að hádegi. Fimmtudagurinn 13. des hófst á því að allir nemendur úr báðum deildum komu saman í Lundi og fylgdust með þegar nokkrir nemendur úr skólanum komu fram í Lúsíu búningum og sungu Lúsíulög. Þessi skemmtilegi siður komst á fyrir tilstilli Önnu Englund og hefur hún stjórnað honum með myndarbrag í gegnum árin. Eftir morgun mat hófst síðan föndurdagur hjá Lundarnemendum.

Það var gaman að fá foreldra og ömmur og afa í hemsókn að aðstoða sín börn og annarra börn við föndrið. En myndir segja meira en mörg orð.

Myndir frá Lúsíuhátíð

Myndir frá föndurdegi

Leikæfingar

11.12.2007

Sylvía og stelpurnar syngja "Út á lífið"Þessa dagana standa yfir strangar leikæfingar hjá nemendum unglingadeildar. Í gær, mánudag, var byrjað að æfa á sviðinu í Skúlagarði en frumsýna á þar þann 19. des. Önnur sýning verður daginn eftir, 20. des.

Að þessu sinni var ákveðið að setja upp söngleik og varð fyrir valinu verkið Wake me up before you go go eftir Hallgrím Helgason. Þetta verk fjallar um unglingsstrák sem fer aftur í tímann, eða til ársins 1984 til að reyna að bjarga sambandi foreldra sinna. Eins og vænta má fer margt á annan veg en ætla hefði mátt.

Á æfingu hjá hljómsveitinni "Maggi Maggi"Sýningin er stútfull af lögum frá níunda áratuginum og tilvalið tækifæri að skella sér í leikhús og rifja upp eða kynnast tísku og stemnining þess tíma.

Verkið var fyrst sett upp af nemendafélagi Versló 2001. Árgangur 1986 í Borgarhólsskóla setti verkið upp þegar þau voru í 10. bekk. Einnig er verið að setja upp verkið á Akureyri og fékk það verkefni styrk frá Menningarráði Eyþings.

Ágóði af sýningunum mun renna í ferðasjóð nemenda og hvetjum við alla íbúa sveitarfélagsins að skella sér á sýninguna. Nánari auglýsinga er að vænta síðar.

Skólaferðalag 1. til 6. bekkjar

05.12.2007
Hópurinn ásamt jólasveinum í DimmuborgumFarið var upp í Mývatnssveit og borðaður jólamatur á Hótel Seli. Að því loknu var farið í Dimmuborgir að hitta jólasveinana. Á leið til þeirra var nokkurs konar ratleikur (þraut) sem nemendur leystu með mikilli prýði. Upp úr hrauninu spruttu þeir Stekkjastaur og Pottaskefill og tóku á móti börnunum. Pottaskefill var stríðinn en Stekkjastaur öllu virðulegri og svaraði spurningum greiðlega. Í kveðjuskyni sungu svo börnin fyrir jólasveinana.
 
Næs tók við dagskrá á tjörninni við Hótelið. Farið var á skauta, í krikket og í keilu. Hesturinn Brúnka dró sleða á ísnum og börnin fengu að ferðast með.
 
Að lokinni útiveru var farið aftur upp á Hótel og drukkið heitt kakó borðaðar kökur með.
 
Börnin voru öll til fyrirmyndar á þessu ferðalagi.
Texti Guðrún S.K.

Smellið hér til að skoða myndir

Benjamí­n Dúfa - þemaverkefni yngri deildar

05.12.2007
Í haust hefur yngri deild í Lundi (1.-3. bekkur) unnið skemmtilegt þemaverkefni upp úr bókinni um Benjamín Dúfu.
Hér segir frá viðburðaríku sumri í litlu hverfi. Þegar hrekkjusvínið Helgi svarti fremur enn eitt illvirkið akveða fjórir vinir að taka höndum saman, stofna Reglu Rauða drekans og hefja baráttu gegn ranglæti heimsins.
Þeir Róland Dreki, Andrés Örn, Baldur Hvíti og Benjamín Dúfa hafa nóg fyrir stafni og um tíma er lífið eitt óslitið ævintýri.
En brestir koma í vináttuna, ævintýrið hættir skyndilega og kaldur raunveruleikinn ryðst af hörku inn í líf þeirra.
Komið var á samvinnu milli handmenntakennara og umsjónarkennara og unnu börnin skemmtilega mynd úr þæfðri ull, sem var mikil vinna en skemmtileg.
Myndin er af þeim fyrrnefndum félögum fjórum í riddarabúningum.Þegar lestri bókarinnar var lokið var horft á bíómyndina.
Mynd Bjarteyjar er úr atriði þar sem Helgi Svarti og Stína fína aðalpían úr hverfinu eru uppi í herbergi Helga og eru að kyssast, þegar regla rauða drekans ryðst upp brunastigann með brunaslönguna og sprautar á þau.
Myndir Bensa og Úlfs eru af því þegar Regla rauða drekans og svarta fjöðrin eru að berjast. Mynd Hilmirs: Þar æfa þeir sig að berjast innan reglu rauða drekans.
Mynd Hlyns er af Helga svarta og Stínu fínu þar sem þau kyssast.
 
Bókmenntagagnrýni 1.-3. bekkjar:
Þeim fannst hún: leyndardómsfull, gleðilegar stundir, flottir búningar, sorgleg, spennandi og skemmtileg.
 
                                                          Bestu kveðjur úr Yngri deild.
                                                               Vigdís Sigvarðardóttir.

Menningarhátí­ð

04.12.2007
Nemendur skólans léku stórt hlutverk á menningardeginum á Kópaskeri þan 1. desember. Fjórir nemendur lásu upp ljóð, nemendur unglingadeildar fluttu tvö söngatriði úr leikritinu sem þau eru að æfa og ætla að sýna rétt fyrir jólaleyfi. Nemendur tónlistarskólans fluttu nokkur lög og önnur skólahljómsveitin spilaði tvö lög. Öll stóðu þau sig vel og voru skóla sínum til sóma eins og alltaf.
Í lokin komu jólasveinar í heimsókn yngstu börnunum til (mis)mikillar gleði og var mikil aðsókn að þeim.

Kveikt á jólatrénu í­ Lundi

04.12.2007

Í gærmorgun voru ljósin tendruð á jólatrénu sem að venju er staðsett utan við skólahúsið í Lundi. Svo vel hittist á að allir nemendur skólans voru samankomnir í Lundi þar sem 1. til 6. bekkur var á leið í skólaferðalag upp í Mývatnssveit.

Nemendur söfnuðust saman við tréð að loknum morgunmat og var þá enn vel rökkvað eins og sjá má á myndunum. Sungið var jólalag og að því loknu voru ljósin tendruð.

Smellið á myndirnar til að sjá stærri útgáfu.