Fréttir

Skólaráð og stjórn foreldrafélags Öxarfjarðarskóla komu saman 25.mars sl. og ræddu skóladagatöl leik-og grunnskóladeildar fyrir næsta skólaár 2026-2027 og voru þau samþykkt. Þá hafa þau þegar verið kynnt í fjölskylduráði. Einnig voru niðurstöður kannana Skólapúlsins ræddar en Skólapúlsinn var í fyrsta skipti notaður í skólanum þetta skólaárið. Hingað til hefur verið notast við heimagerðar kannanir sem hafa alveg þjónað tilgangi sínum ágætlega en Skólapúlsinn gefur samanburð við landið og gaman að skoða hann þannig. Óhætt er að segja að niðurstöðurnar séu góðar fyrir skólann okkar en alltaf má bæta um betur.