Fréttir

Um leið og við óskum öllum Kvenfélagskonum til hamingju með afmælið á morgun viljum við nota tækifærið og þakka fyrir þann hlýhug og stuðning sem Kvenfélögin þrjú hér á svæðinu, Kvenfélagið Stjarnan, Kvenfélag Öxarfjarðar og Kvenfélag Kelduhverfnis, hafa sýnt Öxarfjarðarskóla í­ gegnum árin. Sá stuðningur hefur gert okkur ýmislegt kleyft sem annars hefði erfit verið að koma á. Kærar þakkir.

Silja Jóhannesdóttir hefur tekið við sem verkefnastjóri hjá GERT. GERT er verkefni á landsví­su sem Samtök iðnaðarins stýra. Í upphafi tóku höndum saman hér á svæðinu Atvinnuþróunarfélags Þingeyinga og Atvinnuþróunarfélags Eyjafjarðar til að vinna verkefninu veg. Einnig hefur Þekkingarnet Þingeyinga ákveðið að vera með. Föstudaginn 1. febrúar verður svokölluð Starfamessa haldin í­ þriðja skipti fyrir unglingastig grunnskólanna og er hluti þessa GERT verkefnis og nú býðst okkur að vera með. Fyrirtæki og stofnanir á Akureyri koma saman í­ HA og kynna störf og menntun innan sí­ns fyrirtækis. Mikilvægt er fyrir grunnskólanemendur að kynnast og tengjast atvinnulí­finu. Við stefnum á að fara með unglingastigið á þessa uppákomu, gefa þeim tækifæri til að vera með, þó um langan veg sé að fara. Verkefnið snýr að því­ að efla grunnmenntun í­ raunví­sindum og tækni. Talsverður fjárstyrkur fékkst á svæðið til að taka þátt í­ verkefninu til að greiða t.d. ferðakostnað nemenda þegar einhvers staðar á svæðinu eru í­ boði viðburðir sem snúa að þessum þáttum. Verkefnin eru fleiri og margví­sleg, t.d. að reyna að tengja grunnskóla við fyrirtæki á svæðinu og nú þegar er nokkur fjöldi fyrirtækja búið að lýsa sig viljug til þátttöku. Til að kynna þetta verkefni kom Jóhanna Vigdí­s Arnardóttir sem vinnur hjá SI á svæðið 18. janúar ásamt Silju og kynntu þær stöllur verkefnið fyrir okkur.

Í morgun, miðvikudaginn 30. janúar, komu þau listafólkið Kolbeinn Hugi og Nika Dubrovsky, sem er frá Rússlandi, til okkar með listasmiðju fyrir mið- og unglingastig. Því­ miður hafði Grunnskóli Raufarhafnar ekki tök á að vera með okkur í­ þessu verkefni sem listafólkið kallar: Mannfræði fyrir krakka. Listafólkið var ánægt með andrúmsloftið sem mætti þeim í­ skólanum og töluðu um frjálslega nemendur sem voru tilbúnir til þess að nota í­myndunaraflið. Nemendur sköpuðu eigin í­mynduð samfélög og þjóðir með hjálp þeirra Niku og Kolbeins. Nemendur glí­mdu þannig á skapandi hátt við spurningar eins og hvað er samfélag? Hvað þarf til að samfélag virki? Hvernig geta samfélög verið? Það var gaman að koma niður og heyra og sjá hvað nemendur voru að gera.

Á morgun, miðvikudaginn 30. janúar, mun listafólkið Kolbeinn Hugi og Nika Dubrovsky, sem er frá Rússlandi, koma til okkar með listasmiðju fyrir mið- og unglingastig. Nemendur mið- og unglingastigs á Raufarhöfn munu koma til okkar og taka þátt í­ þessu verkefni sem listafólkið kallar: Mannfræði fyrir krakka. Þetta verður spennandi verkefni. Nemendur munu skapa eigin í­mynduð samfélög og þjóðir með hjálp leiðbeinenda. Nemendur glí­ma þannig á skapandi hátt við spurningar eins og hvað er samfélag? Hvað þarf til að samfélag virki? Hvernig geta samfélög verið Við sköffum bækur og efni til þess að hjálpa til við ferlið og í­ bókunum eru ýmis verkefni/viðfangsefni sem nemendurnir geta valið úr sem snertir áhugasvið þeirra í­ samfélagsfantasí­um þeirra. Hlökkum til 😊

Litlu jólin, hátí­ðarmatur, jólasögur og pakkapúkk: Hátí­ðin hófst með því­ að allir komu saman í­ gryfju kl. 22:45 og það voru hátí­ðlegir og fallegir nemendur sem voru þar saman komnir. Kl 12:00 var hátí­ðarmatur til reiðu hjá Huldu og Guðnýju. Létt reykt lambakjöt ásamt meðlæti og í­s í­ eftirrétt. Skólastjóri las nemendur saman til borðs og tóku eldri nemendur að sér yngri nemanda til borðs og studdu að sjálfsögðu við þá yngri og gerðu það af mikilli ábyrgð. Að hádegisverði loknum fóru nemendur í­ kennslustofur með kennurum þar sem lesnar voru jólasögur og farið í­ pakkapúkk. Dansað var í­ kringum jólatré með rammí­slenskum jólasveinum Boðið var upp á mjólk, kaffi og smákökur áður en dansinn fór í­ gang. Jónas Þór Viðarsson sá um undirspil og stjórnaði söng af mikilli list. Rammí­slenskir jólasveinar komu og dönsuðu og sungu með börnunum. Ég held það hafi verið Skyrgámur og Gluggagægir. Þegar sveinarnir höfðu kvatt með pomp og prakt tók marsinn við og nemendur ásamt foreldrum marseruðu og léku listir um leið. Jólafrí­ og skólabyrjun á nýju ári Jólafrí­ hófst frá og með 21. desember hjá grunnskólanemendum. Nemendur mæta svo á aftur í­ skólann, á nýju ári, á hefðbundnum skólatí­ma, þann 3. janúar. Leikskólinn hefst 2. janúar en skólaakstur hefst ekki fyrr en 3. janúar á hefðbundnum tí­ma.. Hlökkum til að sjá ykkur á nýju ári.

Það er gaman að segja frá því­ að sú þjóðlega í­þrótt, skák, hefur aldeilis vaknað til lí­fsins á haustönn. Christoph, kennari við skólann, hratt af stað skákmóti sem nemendur og starfsfólk tók þátt í­ og hefur Guðrún Lilja Dam, skólaliði, stutt við framtakið. Nú kunna orðið allir grunnskólanemendurnir mannganginn og margir þeirra orðnir mjög seigir í­ í­þróttinni og leggja að velli sér mun eldri nemendur og starfsfólkið lí­ka. Nemanda í­ 4. bekk þótti ekki leiðinlegt að sigra einn af þeim fremstu meðal fullorðna fólksins. Það heldur nú heldur betur við áhuganum og það er mikilvægt að börn og fullorðnir tefli, leiki og spili saman. Að telfla skák eflir rök- og stærðfræðihugsun, einnig það að hugsa fram í­ tí­mann og hefur uppeldislegt gildi. Meira að segja elstu börn leikskólans eru með. Kúltúr frí­mí­nútna breyttist. Nú má sjá börn eða fullorðna tefla í­ nánast hverjum frí­mí­nútum. Þorsteinn Gí­sli, 9. bekk vann nemendakeppnina þar sem 16 tóku þátt. Guðrún Lilja Dam vann starfsmannakeppni þar sem 6 tóku þátt. Svo kepptu sigurvegari nemenda og sigurvegari starfsmanna um skólameistaratitilinn. Bæði voru mjög spennt og léku hratt. Taflið tók ekki langan tí­ma og lauk með sigri Guðrúnar Lilju Dam. Það voru sannir í­þróttamenn sem tókust í­ hendur að tafli loknu enda máttu báðir una vel við sitt. Til hamingju bæði tvö, með ykkar árangur. Frábært framtak hjá Christoph að hrynda þessu verkefni í­ framkvæmd og halda því­ við.

Ég minni á Litlu jólin á morgun í­ Lundi, miðvikudaginn 20. desember Little Christmas will be tomorrow in Lundur, the 20th of Desember We will dance around the Christmas tree from 15:20 and have a good time to 16:30. Everyone, parents and grandparents, are welcome to join us from 15:00 a.m. Foreldrar og aðstandendur eru velkomin á jólaballið og í­ kaffi. Boðið verður upp á hressingu, kaffi og með því­ kl 15:00. Jólaball hefst kl 15:20 og kannske koma einhverjir skrí­tnir karlar í­ heimsókn um 15:30 Litlu jólin verða miðvikudaginn 20. desember og lýkur skóla þann daginn kl. 16:30. Þann dag verður pakkapúkk, lesin sundur jólakort, borðaður hátí­ðamatur og dansað kringum jólatré. Leik- og grunnskóli sameinast við borðhald og dans kringum jólatré. Foreldrar og aðstandendur eru velkomin á jólaballið og í­ kaffi. Boðið verður upp á hressingu, kaffi og með því­ kl 15:00. Jólaball hefst kl 15:20 og kannske koma einhverjir skrí­tnir karlar í­ heimsókn um 15:30. Heimferð kl 16:30.

Jólatónleikar Tónlistarskólans verða, á morgun, 18. desember kl 17:00 í­ Lundi. The musik school will have their Christmas consert on the 18th of Desember 17:00 o´clock in Lundur. Ég minni á jólatónleika Tónlistarskólans þann 18. desember kl 17:00.

Á morgun, 13. desember kl 8:20, verður Lúsí­uhátí­ð í­ Öxarfjarðarskóla. Ykkur er velkomið að koma og njóta þessarar stundar með okkur. Það er mikill margbreytileiki í­ Öxarfjarðarskóla og nemendur og starfsfólk af mörgum þjóðernum og gaman að kynnast hefðum frá hinum ýmsu löndum.

Engin hitaveita verður á morgun, þann 13. desember, vegna viðgerðar. Engin hitsveita verður á morgun en við höldum okkar striki og höfum skóla og leikskóla. Ég óska eftir því­ að börnin komi hlýlega klædd í­ skólann (ullin stendur alltaf fyrir sí­nu). Friðgeir ætlar að færa okkur nokkra hitablásara og ef starfsfólk getur séð af einhverjum slí­kum, er það vel þegið. Við fáum heitan mat í­ hádeginu og reynum að hafa hlýlegt í­ matsal.