Fréttir

Kæru foreldrar/forráðamenn Stóra upplestrarkeppnin verður á morgun fimmtudaginn 27, mars. Þátttakendur frá Öxarfjarðarskóla verða fjórir þ.e. 7. bekkur allur; Alma Lind, Bartey Unnur, Erna Rún og Hilmir Smári. Hefð hefur verið fyrir því­ að 6. bekkur fari með og sjái um leið hvernig keppnin fer fram, þau taka jú þátt í­ keppninni næsta ár. Eins stendur til að fara með tónlistaratriði frá Öxarfjarðarskóla og ætla þau Lisa Mc Master og Reynir að halda utan um þau og eru þau að hugsa um marimbahópinn (6.-7.bekk) og hljómsveitina okkar. Við förum á einkabí­lum og verða það Hrund, Fljóða, Gulla og undirrituð sem munu sjá um akstur. Hafið endilega samband ef einhverjar spurningar vakna eða þið hafið eitthvað við þetta að athuga. Vonandi sjá einhverjir foreldrar sér tækifæri til að koma á þessa hátí­ð. Það er ekki lí­til ögrun og sigur fyrir nemendur að takast á við verkefni af þessu tagi, að flytja bundið mál, sögur og tónlist á sviði, og erum við ákaflega stolt af þeim öllum. Kærar kveðjur, Guðrún S. K. 4652246

Kæru foreldrar/forráðamenn. Skóli fellur einnig niður í­ dag, föstudaginn 21. mars vegna veðurs og ófærðar. sms, sem Kiddi sendir í­ gegnum Mentor kerfið, ætti að hafa skilað sér til ykkar. Kær kveðja, Guðrún S. K

Öxarfjarðarskóli er þessa dagana að taka Mentor kerfið aftur í­ gagnið. Meðal nýjunga í­ kerfinu er að hægt er að senda sms með skilaboðum til bæði nemenda og aðstandenda. Við erum búin að fara yfir aðstandendur grunnskólanemenda og skrá gsm númer á a.m.k. annan aðstandanda á hverju heimili. Við greiðum fyrir hvert sent skeyti svo kerfið verður stillt þannig að eingöngu eitt skeyti verður sent á hvert heimili. Í ljósi þess að veðurspáin er slæm fyrir næstu daga viljum við benda á að ef þarf að fella niður skóla vegna veðurs munum við senda út boð með sms úr Mentor. Þar sem Mentor kerfið er einungis hugsað fyrir grunnskóla er ekki hægt að senda sms á þau heimili sem eingöngu eiga börn á leikskólaaldri og verður því­ áfram hringt á þau heimili. Innan skamms verða svo send út lykilorð fyrir Mentor til aðstandenda. Ef einhverjar spurningar vakna vegna þessa þá er hægt að heyra í­ Kristjáni Inga (Kidda), hann mun halda utan um sms skilaboðaherfið. Kær kveðja, Guðrún S. K.

Stóru upplestrarkeppninni, sem átti að vera á Raufarhöfn fimmtudaginn 20. mars, er frestað til fimmtudagsins 27. mars, í­ ljósi vondrar veðurspár. Þátttakendur frá Öxarfjarðarskóla verða fjórir þ.e. 7. bekkur allur. Hefð hefur verið fyrir því­ að 6. bekkur fari með og sjái um leið hvernig keppnin fer fram. Eins stendur til að fara með tónlistaratriði frá Öxarfjarðarskóla og ætla þau Lisa Mc Master og Reynir að halda utan um þau og eru þau að hugsa um marimbahópinn (6.-7.bekk) og hljómsveitina. Við förum á einkabí­lum og verða það Hrund, Fljóða, Gulla og undirrituð sem munu sjá um akstur. Hafið endilega samband ef einhverjar spurningar vakna. kv,GSK

Sund fellur niður í­ dag, 19. mars, vegna þess að laugin er allt of köld. Að öllum lí­kindum verður ekki heldur sund á morgun, fimmtudag. Erfitt er að halda lauginni heitri ef eitthvað er að veðri s.s. mikil ofankoma, skafrenningur, vindur og kuldi. Vatnið er að koma til okkar 4 gráðum kaldara en vanalega og hefur það sitt að segja. Þannig að vð stefnum á í­þróttahús það sem eftir er þessarar viku. kv, GSK

Við brugðum undir okkur betri fætinum og skruppum í­ heimsókn í­ Gljúfrastofu. Þar tók Lotta á móti okkur og krakkarnir fengu að skoða og fikta . Þau skemmtu sér hið besta í­ þessu fallega og fræðandi umhverfi.

Ég minni aftur á breytta dagsetningu árshátí­ðar. Verið er að æfa Dýrin í­ Hálsaskógi eftir Thorbjörn Egner. Vegna ákveðinna aðstæðna, hjá bæði nemendum og starfsfólki, verður árshátí­ðin okkar flutt til um einn dag. Árshátí­ðin verður fimmtudaginn 10. aprí­l í­ stað þess 11. Vonandi kemur það ekki að sök. Kveðja, GSK

Sund byrjar ekki fyrr en 17. mars Conny stefnir á að byrja sundkennslu grunnskólanemenda miðvikudaginn 17. mars og ætlar Friðgeir að vera okkur innanhandar í­ þeim efnum. Því­ miður getum við ekki byrjað fyrr vegna ákveðinna aðstæðna. Við stefnum einnig á, í­ samráði við Kristí­nu, að leikskólabörn komist einnig í­ sund, en reynum að velja stað og stund upp á veður og hita að gera. Kveðja, GSK

Stefnt er á að sýningin fari að rúlla um kl. 10:30 og standi til kl. 12:00. Foreldrar, afar, ömmur og áhugasamir eru velkomnir á sýninguna. Kaffi verður á könnunni. Það á að sýna skartgripi, heimasmí­ðuð hljóðfæri, þæfða hluti, baðsölt og varasalva og flytja frumsamið tónverk. Myndir munu rúlla á skjávarpa af þeirri vinnu og þeim verkefnum sem fóru fram. Einnig af fjallgöngu, glí­mu og jóga. Skemmtilegri og lærdómsrí­kri þemaviku er að nú ljúka. í­ gær, miðvikudag, komu þeir feðgar og glí­mukóngar, Eyþór Pétursson og Einar frá Baldursheimi og kenndu nemendum undirstöðuatriði í­ glí­mu. Tekist var á eftir settum reglum og höfðu allir gaman af. Gaman að nemendur skyldu hafa kost á því­ að kynna sér þessa gömlu og þjóðlegu í­þrótt hjá þessum sérfræðingum. Það er mikilvægt að þekkja sí­nar rætur þá stendur maður betur í­ fæturna. Það hefur verið gleði í­ húsinu og nemendur, allir, staðið sig með prýði. Undirrituð er þakklát fyrir þá ósérhlí­fnu vinnu sem bæði starfsfólk, nemendur og einstakir foreldrar og fl., hafa lagt í­ þetta verkefni. Við eigum hæfileikrí­kt fólk hér áhverju strái. Ágústa Ágústdóttir var með jóga fyrir yngsta stig í­ gær, miðvikudag og mæltist það vel fyrir hjá börnunum og eins og ég hef áður sagt er ekki svo lí­tils virði að kunna þá tækni á þessum tí­mum hraða og mikils áreitis sem börn í­ dag fara ekki varhluta af. Um kvöldið fór svo stór hópur starfsmanna á námskeið í­ jóga hjá Ágústu. Í dag, fimmtudag verður annar tí­mi í­ jóga fyrir yngsta stig. Unglingadeildin gekk á Þverárhyrnu á þriðjudaginn og héldu þau Kiddi og Anka utan um hópinn. Ferðin var krefjandi og veður ekki eins og best varð á kosið, snjókoma og lí­tið skyggni og reyndi á nemendur en þeir báru sig vel þó sumir væru orðnir þreyttir í­ lokin. Búnaður ,sem mikilvægt er að kunna að fara með, var reyndur s.s. í­saxir, sigbúnaður o.fl. Það má segja að á ferð sem þessari lærir þú að takast á við sjálfan þig og erfiðar aðstæður án þess gefast upp. Skólastjóri heilsaði upp á hópinn daginn eftir og var hann ánægður, bar sig vel og tilbúinn að fara aftur. Einn nemendi sagði að þetta hefði verið hressandi og sí­ðar um daginn glí­mdi þessi hópur af krafti og eldstu börn leikskólans fylgdustmeð. Flottur og jákvæður hópur sem ég hitti í­ smí­ðastofu. Kveðja, GSK

Hér koma nánari upplýsingar frá Conny varðandi í­þróttabúðir, í­ Lundi 28. febrúar. Fótboltaþjálfari frá Húsaví­k kemur. Conny hvetur foreldra og forráðamenn til að hafa samband ef einhverjar spurningar vakna.