Fréttir

Við minnum á foreldrafundinn í kvöld, 26. nóvember.
Fundurinn verður í Lundi og mun hefjast kl. 19:30
Við vonumst til að sem flestir sjái sér fært að mæta. Heitt verður á könnunni og meðlæti með kaffinu.

Unglingadeild skólans er komin af stað með fjáraflanir í ferðasjóð.

Nú er aftur kominn í sölu salernis- og eldhúspappírinn sem var svo vinsæll í fyrra. Pakkningin hefur einungis hækkað um 200 kr. síðan í vor, kostar aðeins 3.200 kr pakkningin. Í pakkningu eru 48 salernisrúllur eða 24 eldhúsrúllur. Sérstakt tilboð verður ef fólk kaupir tvær pakkningar í einu, eða tvær á gamla verðinu, 6.000 kr.

Einnig er unglingadeidln með 500 gr poka af úrvals lakkrís til sölu á 800 kr. pokinn. Eins og sést á myndinni er þetta blanda af hreinum lakkrís og marsipan. Við erum búin að smakka og mælum hiklaust með honum.

Eimskip-Flytjandi veitti krökkunum veglagan styrk með því að gefa þeim flutninginn á öllum herlegheitunum hingað norður og kunnum við þeim miklar þakkir fyrir.

Svo ótrúlega sem það kann að virðast er kominn mánuður frá síðasta fréttakorni. Með því að smella á lesa meira er hægt að lesa pistil Hrundar um það helsta sem gerst hefur undanfarinn mánuð og það sem framundan er. Þar er m.a. sagt frá degi íslenskrar tungu, flensu og ýmsu fleiru.

 

Skólanum hafa borist höfðinglegar gjafir á síðustu vikum.

Sigurður á Tóvegg færði skólanum stafrænan Braun Thermoscan hitamæli sem mælir hitastig í eyra, ásamt pakka af auka hlífum.

Kvenfélag Öxarfjarðar gaf svo skólanum stafræna myndavél; Olympus MJU-5000 vél.

Við erum afar þakklát fyrir þessar gjafir og þær eiga eftir að koma sér vel. Það er alltaf gott að finna fyrir velvild í garð skólans.

Myndavélin er strax komin í notkun og veitti ekki af því gömu vélarnar voru orðnar lúnar og nánast ónothæfar. Hitamælirinn á eftir að koma að góðum notum þegar næsta veikindabylgja gengur yfir.

Í gær birtist á vef Landsbjargar ferðasaga frá gönguferð sem 13 nemendur úr björgunarsveitarvali fóru ásamt umsjónarmönnum um miðjan október. Sylvía Dröfn á mestan heiður af textanum.

Slóð á ferðasögu

Slóð á myndir úr ferðinni

Nú heilsar annað fréttabréf skólaársins. Í því má m.a. lesa um Haustgleði, vettvangsnám kennara, foreldrafund, foreldrasamtöl, fræðslufund frá Fjölskylduþjónustunni o.fl. Fréttabréfið fer á vef skólans ásamt myndum úr starfi skólans og er líka sent út til þeirra sem ekki hafa aðgang að tölvu.

Smellið á lesa meira til að sjá pistiilinn.

Um helgina, 10. og 11. október, var haldið stuttmyndanámskeið í skólanum. Þetta námskeið er liður í undirbúningi undir stuttmyndahátíðina Stulla (stulli.is). Til stóð að námskeiðið yrði haldið á Laugum og annað um næstu helgi á Akureyri. Þegar ljóst var að þátttaka væri dræm úr suðursýslunni var leitað eftir því hvort við gætum haldið námskeiði. Það var auðsótt mál og var námskeiðið haldið hér fyrir 12 nemendur frá okkur, 13 frá Raufarhöfn og 9 frá Þórshöfn.
Kennari á námskeiðinu var Kristján Kristjánsson sem m.a. gerði þættina um Venna páer sem sýndir voru á Skjá einum á sínum tíma.
Nemendum var skipt upp í hópa og voru þeir myndaðir út frá skólunum. Hóparnir fengu það verkefni að að skrifa handrit að stuttmynd sem þeir síðan tóku upp, bæði eftir sínu handriti og annarra.
Námskeiðið tókst mjög vel og var ekki annað að sjá en þátttakendur færu þreyttir en ánægðir heim.

Myndir frá námskeiðinu

Nú á haustdögum lækkaðii Vegagerðin í samvinnu við sveitarstjórn hámarkshraða í gegnum skólasvæðið við Lund. Í framhaldi af því voru sett upp skilti til að minna ökumenn á að draga úr hraðanum í gegnum svæðið.  Við viljum benda ökumönnum á að virða þessar hraðatakmarkanir því talsverð umferð gangandi barna og annarra vegfarenda er yfir þjóðveginn milli skóla og íþróttahúss. Það þyrfti ekki nema augnabliks aðgæsluleysi til að úr yrði stórslys. Við vonumst til þess að lækkaður umferðarhraði í gegn dragi úr líkum á þess háttar slysi.

Þá er komið að fyrsta fréttakorni þessa skólaárs. 

Skólastarfið fer vel af stað og nemendur mæta glaðir og tilbúnir til leiks og starfa. Það eru nokkrar upplýsingar sem við þurfum að koma á framfæri varðandi það sem er á döfinni hjá okkur.

Í þessu fréttakorni verður sagt frá því að sundnámskeið og lengd viðvera hefjast í næstu viku. Einnig minnum við á samræmd könnunarpróf í 4., 7. og 10. bekk. Að lokum segjum við frá skólaferðalagi 1.-7. bekkjar og vettvangsferðum í Akurgerði og til að skoða fornleifauppgröft.

Smellið á lesa meira til að lesa fréttabréfið í heild sinni.

Nemendum okkar í 10.bekk bauðst að fara með jafnöldrum sínum úr Borgarhólsskóla í gönguferð úr Vesturdal í Ásbyrgi. Við þáðum það að sjálfsögðu með þökkum og fóru allir nemendur ásamt Guðrúnu, Hrund og Kidda með í gönguna.
Það voru ekki allir nemendur 10. bekkjar á Húsavík sem gengu með. Sumir fóru styttri hring um Vesturdal og aðrir unnu að verkefnum á Húsavík. En það var hress og duglegur hópur sem gekk þessa 12 km leið.
Sigrún, náttúrufræðikennari á Húsavík, var fararstjóri í ferðinni og var með fræðslu á leiðinni.
Veðrið lék við göngumenn, sól og hlýtt en samt vindur til kælingar.

Hér eru myndir úr ferðinni.