Fréttir

Í gær birtist á vef Landsbjargar ferðasaga frá gönguferð sem 13 nemendur úr björgunarsveitarvali fóru ásamt umsjónarmönnum um miðjan október. Sylvía Dröfn á mestan heiður af textanum.

Slóð á ferðasögu

Slóð á myndir úr ferðinni

Nú heilsar annað fréttabréf skólaársins. Í því má m.a. lesa um Haustgleði, vettvangsnám kennara, foreldrafund, foreldrasamtöl, fræðslufund frá Fjölskylduþjónustunni o.fl. Fréttabréfið fer á vef skólans ásamt myndum úr starfi skólans og er líka sent út til þeirra sem ekki hafa aðgang að tölvu.

Smellið á lesa meira til að sjá pistiilinn.

Um helgina, 10. og 11. október, var haldið stuttmyndanámskeið í skólanum. Þetta námskeið er liður í undirbúningi undir stuttmyndahátíðina Stulla (stulli.is). Til stóð að námskeiðið yrði haldið á Laugum og annað um næstu helgi á Akureyri. Þegar ljóst var að þátttaka væri dræm úr suðursýslunni var leitað eftir því hvort við gætum haldið námskeiði. Það var auðsótt mál og var námskeiðið haldið hér fyrir 12 nemendur frá okkur, 13 frá Raufarhöfn og 9 frá Þórshöfn.
Kennari á námskeiðinu var Kristján Kristjánsson sem m.a. gerði þættina um Venna páer sem sýndir voru á Skjá einum á sínum tíma.
Nemendum var skipt upp í hópa og voru þeir myndaðir út frá skólunum. Hóparnir fengu það verkefni að að skrifa handrit að stuttmynd sem þeir síðan tóku upp, bæði eftir sínu handriti og annarra.
Námskeiðið tókst mjög vel og var ekki annað að sjá en þátttakendur færu þreyttir en ánægðir heim.

Myndir frá námskeiðinu

Nú á haustdögum lækkaðii Vegagerðin í samvinnu við sveitarstjórn hámarkshraða í gegnum skólasvæðið við Lund. Í framhaldi af því voru sett upp skilti til að minna ökumenn á að draga úr hraðanum í gegnum svæðið.  Við viljum benda ökumönnum á að virða þessar hraðatakmarkanir því talsverð umferð gangandi barna og annarra vegfarenda er yfir þjóðveginn milli skóla og íþróttahúss. Það þyrfti ekki nema augnabliks aðgæsluleysi til að úr yrði stórslys. Við vonumst til þess að lækkaður umferðarhraði í gegn dragi úr líkum á þess háttar slysi.

Þá er komið að fyrsta fréttakorni þessa skólaárs. 

Skólastarfið fer vel af stað og nemendur mæta glaðir og tilbúnir til leiks og starfa. Það eru nokkrar upplýsingar sem við þurfum að koma á framfæri varðandi það sem er á döfinni hjá okkur.

Í þessu fréttakorni verður sagt frá því að sundnámskeið og lengd viðvera hefjast í næstu viku. Einnig minnum við á samræmd könnunarpróf í 4., 7. og 10. bekk. Að lokum segjum við frá skólaferðalagi 1.-7. bekkjar og vettvangsferðum í Akurgerði og til að skoða fornleifauppgröft.

Smellið á lesa meira til að lesa fréttabréfið í heild sinni.

Nemendum okkar í 10.bekk bauðst að fara með jafnöldrum sínum úr Borgarhólsskóla í gönguferð úr Vesturdal í Ásbyrgi. Við þáðum það að sjálfsögðu með þökkum og fóru allir nemendur ásamt Guðrúnu, Hrund og Kidda með í gönguna.
Það voru ekki allir nemendur 10. bekkjar á Húsavík sem gengu með. Sumir fóru styttri hring um Vesturdal og aðrir unnu að verkefnum á Húsavík. En það var hress og duglegur hópur sem gekk þessa 12 km leið.
Sigrún, náttúrufræðikennari á Húsavík, var fararstjóri í ferðinni og var með fræðslu á leiðinni.
Veðrið lék við göngumenn, sól og hlýtt en samt vindur til kælingar.

Hér eru myndir úr ferðinni.

Öxarfjarðarskóli var settur formlega síðast liðinn mánudaginn klukkan 18. Guðrún skólastjóri hélt smá ræðu þar sem hún kynnti í stuttu máli fyrirhugað starf  vetrarins og kynnti það starfsfólk sem verrður við skólann í vetur. Það hefur fjölgað í starfsmannahópnum þar sem nemendum hefur fjölgað við sameiningu skólanna. Starfið fer vel af stað og leggst veturinn ágætlega í mannskapinn.

Í morgun mætti starfsfólk til vinnu til að undirbúa skólastarf vetrarins. Hótelrekstri er að ljúka og flestar stofur að tæmast af beddum. Þessa viku verður unnið að því að gera húsið klárt, ásamt því að kennarar undirbúa að taka á móti sínum nemendum. Á fimmtudag verður árlegur þingdagur skólanna á skólaþjónustusvæðinu á Hafralæk og á föstudag er þingdagur BKNE.

Að þessu sinni verður skóli ekki boðaður með heimsóknum, heldur verður skólinn settur næst komandi mánudag, 24. ágúst klukkan 18:00. Að lokinni setningu munu umsjónarkennarar taka á móti sínum umsjónarnemendum og foreldrum í stutt spjall.

Kennsla hefst á hefðbundnum tíma þriðjudaginn 25. ágúst klukkan 8:20. Skólabílar leggja af stað klukkan 7:45 frá Kópaskeri og Fjöllum.

Hér að neðan eru tenglar á innkaupalista fyrir nemendur og skóladagatal.
Innkaupalisti 1.-3. bekkjar
Innkaupalisti 4.-7. bekkjar
Innkaupalisti 8.-10. bekkjar
Skóladagatal

Nú er nýlokið skólaferðalagi 9. og 10. bekkjar til Danmerkur.
Flogið var út um miðjan dag þann 8. júní og lent í Danmörku rétt fyrir kl 20 að dönskum tíma.
Fyrsta kvöldið borðuðum við sameiginlega með Raufarhafnarskóla á pizzastað við Strikið en þau fóru út með sömu vél og við.
Næstu dagar fóru í skoðunarferðir um Kaupmannahöfn og Tívolíferð en á miðvikudagsmorgun fórum við í heimsókn til vinabekkjar í Hedegårdskolen í Ballerup.
Við vorum að mestu heppinn með veður. Það var ekki mikil sól en við sluppum að mestu við rigningu nema eftir hádegi á fimmtudegi. Þá lentum við í þvílíku úrhelli að við aflýstum frekari skoðunarferðum þann daginn og fórum því ekkert að skoða fornar Íslendingaslóðir. Í staðinn var stefnan sett í menningarreisu í verslunarmiðstöðina Fields. Það rigndi svo látlaust það sem eftir var dags og fram á nótt. Nokkrir úr hópnum létu það þó ekki aftra sér frá því að skella sér í fótbolta út í rigninguna um kvöldið, enda mátti halda að þeir hefðu skellt sér í sundsprett í einhverjum pollinum í kring þegar þeir komu inn.
Föstudagsmorgun var síðan haldið beint út á flugvöll og flogið heim. Nemendur voru sér og skóla sínum til sóma eins og ávallt og var það þreyttur en ánægður hópur nemenda og kennara sem komu heim.

Smellið á einhvern tenglanna hér að neðan til ða skoða myndir úr ferðinni.

Dagur 1
Dagur 2
Dagur 3
Dagur 4

7. og 8. bekkur skólans fór ásamt 7, bekk Kópaskersskóla í skólaferðalag þann 3. og 4. júní.  Bílstjóri og fararstjóri var Rúnar Óskarsson og stóð hann sig að venju frábærlega. Honum til aðstoðar voru Kiddi, Maggi og Ingibjörg, auk þess sem Jóhanna Margrét kom með sem okkar sérlegur aðstoðarmaður og var yndislegt að hafa hana með.

Við byrjuðum á að skoða Æðarfossa við ósa Laxár. Höfðu færst okkar nokkru sinni komið þar áður og var gaman að sjá þetta fallega umhverfi. Næst fórum við í Iðnaðarsafnið á Akureyri. Það var gaman að sjá hversu mikið af allskonar vörum voru framleiddar á Íslandi, og þá sérstaklega Akureyri, hér áður fyrr. Þetta er eitthvað sem við þurfum að gera aftur núna í kreppunni. Eftir Iðnaðarsafnið var haldið í Kjarnaskóg þar sem nesti var snætt og nokkurri stund eytt í leiktækjum í góða veðrinu. Því næst var haldið í Akureyrarlaug í sund. Stefnan var svo tekin á Bakkaflöt í Skagafirði þar sem við gistum í góðu yfirlæti og var boðið upp á dýrindis pizzahlaðborð um kvöldið.

Á fimmtudeginum var dagurinn tekinn snemma, ræs kl 8 og farið í siglingu á Jökulsá Vestari. Eftir skemmtilega siglingu í góðu veðri var farið í pottana á Bakkaflöt til að ylja sig upp en síðan var haldið á Akureyri í keilu og bíó.

Það var ekki að sjá annað en að krakkarnir hefðu skemmt sér vel saman og verið ánægð með ferðina. Því miður gleymdi vefstjóri myndavélinni heima en hér að neðan eru tenglar á myndirnar sem Maggi tók.

Dagur 1 - Dagur 2