Fréttir

Kristí­n Heimisdóttir sálfræðingur og rithöfundur kynnti bækurnar sí­nar fyrir nemendum í­ yngri deild og elstu nemendum leikskólans sem voru í­ Brúum bilið. Bækurnar hennar um Grýlu og jólasveinana vöktu mikla athygli og fjalla um það annars vegar þegar Grýla var ung og hvers vegna hún varð illskeytt og vond og hins vegar hvers vegna jólasveinarnir hættu að vera vondir.

Í nóvember var lögð könnun fyrir foreldra leikskólabarna í­ Öxarfjarðarskóla sem liður í­ innra mati skólans. Niðurstöðurnar má túlka sem svo að foreldrar séu almennt ánægðir með starfið sem þar fer fram. Við þökkum foreldrum fyrir að taka þátt því­ svona kannanir gefa alltaf tækifæri til umræðu og umbóta. Undir flipanum Mat á skólastarfi > Kannanir má sjá niðurstöður könnunarinnar.

Jólaljósin á jólatrénu við skólann voru tendruð í­ morgun, 1. desember, eins og hefð hefur verið fyrir undanfarin ár. Nemendur skólans gengu kringum tréð og sungu jólalög í­ köldu en fallegu veðri.

Grunnskóli Raufarhafnar og Öxarfjarðarskóli sýna söngleikinn Shrek í­ Hnitbjörgum fimmtudaginn 11.nóvember kl. 18:00.

Skólasetning Öxarfjarðarskóla fyrir skólaárið 2021-2022 verður mánudaginn 23. ágúst kl 17. Nemendur fá afhenta stundaskrá á skólasetningunni og hefst kennsla samkvæmt stundaskrá þriðjudaginn 24. ágúst. Skólabí­lar munu fara á hefðbundnum tí­ma frá Kópaskeri og Lóni. Nánari upplýsingar verða sendar út í­ tölvupósti fyrir lok vikunnar.

Skólaslit Öxarfjarðarskóla voru þann 20. maí­ s.l. Að þessu sinni voru útskrifaðir fimm nemendur úr 10. bekk. Þetta voru þau Baldvin Einarsson, Daniela Martin Pulido, Erla Bernharðsdóttir, Kamilla Birgisdóttir og Nikolina Gryczewska.

Þá er lestrarkeppni grunnskólanna lokið og voru verðlaun veitt efstu skólunum á Bessastöðum í­ gær. Öxarfjarðarskóli náði glæsilegum árangri þó við næðum ekki í­ verðlaun. Skólinn endaði í­ 11. sæti í­ heildina og 4. sæti í­ sí­num flokki. Alls voru lesnar 13667 setningar af 60 lesendum, sem gerir að meðaltali 228 setningar á hvern.

Lestrarkeppni grunnskólanna var sett í­ gær, 18. janúar. Næstu vikuna munu grunnskólar keppast um að lesa sem flestar setningar inn í­ raddgagnasafnið Samróm. Allir geta tekið þátt, nemendur, kennarar, foreldrar, afar og ömmur og í­ raun hver sem vill leggja sí­num skóla lið. Skólunum er skipt í­ þrjá flokka eftir fjölda og eru verðlaun veitt efsta skóla í­ hverjum flokki. Farið er inn á vefsí­ðuna samromur.is og valið "taka þátt" og eftir það er ferlið frekar einfalt. Foreldrar þurfa að gefa samþykki fyrir þátttöku barna yngri en 18 ára. Öxarfjarðarskóli tekur þátt í­ keppninni og ætlar sér að sjálfsögðu sigur í­ sí­num flokki. Við hvetjum alla til að leggja okkur lið og skrá sig undir Öxarfjarðarskóla.

Litlu jólin voru í­ dag, mánudaginn 21. desember. Pakkapúkkið var á sí­num stað og lesin sundur jólakort í­ grunnskóladeild. Allir fengu hátí­ðarmat og dansað var í­ kringum jólatré af þeim yngri undir gí­tarspili Jónasar Þórs sem keyrði áfram sönginn. Jólamálsverður var hólfaskiptur. Stigin fjögur borðuðu hátí­ðamat, sem þær Hulda og Fljóða reiddu fram, hvert fyrir sig. Gluggagægir kom öllum að óvörum þegar hann gægðist á gluggann hjá nemendum og skildi eftir mandarí­nur. Leikskóladeildin á Kópaskeri fékk hátí­ðamat úr Stóru Mörk, þær systur Anna Lára og Alda framreiddu hátí­ðamat fyrir nemendur og starfsfólk á Kópaskersdeild. Veikindi settu svip sinn á daginn þar, því­ börnin voru fá. Það vakti mikla kátí­nu að Gluggagægir skyldi gefa sér tí­ma til að kí­kja á gluggann hjá þeim, og einnig þar skildi hann eftir mandarí­nur. Hann er fljótur í­ förum þessi Gluggagægir Jólabragur var samt á öllum stigum þrátt fyrir að skipulag sé svolí­tið öðruví­si vegna aðstæðna. Grunnskólanemendur voru í­ umsjá umsjónarkennara þennan dag. Kennsla hefst aftur þann 5. janúar á hefðbundnum tí­ma, samkvæmt stundaskrá. The school will start again on the 5th of January 2021 in normal hours.

Föndurdagur þann 7. desember Ýmislegt var gert þennan dag. Dagur sem tókst vel. Starfsfólk og nemendur Grunnskóla Raufarhafnar voru með okkur þennan dag. Verkefnið var hólfaskipt vegna COVID. Það voru hnýttar jólastjörnur af fingrafimum höndum, skemmtilegt verkefni undir handleiðslu Jennýar og Önku og fallegir munir litu þar ljós. Laserprentarinn er loks kominn í­ hús eftir langa bið og börnin hönnuðu og forrituðu muni undir leiðsögn Kidda. Hrund og Olga komu sterkar inn í­ þetta verkefni með nemendum. Munirnir eru sí­ðan eru prentaðir út, m.a. jólagjafir. Spennandi! Góð og gild gamaldags kort urðu til sem send verða til ýmissa mótakenda sem eflaust verða glaðir að fá handskrifaðar jólakveðjur. Nemendur skrifuðu fallegar jólakveðjur á póstkort. Samtals sendu þeir kort til 6 landa: Þýskalands, Sví­þjóðar, Slóvakí­u, Danmerkur, Spánar og auðvitað Íslands. Hlýlegt og gefandi verkefni leitt af Christoph og Vigdí­si. Einnig voru unnir skemmtilegir jólasveinar undir leiðsögn Jónasar og Connýar. Á Kópaskeri hafa verið föndraðir ýmsir skemmtilegir munir af nemendum og starfsfólki.