Sá skemmtilegi siður hefur verið við hafður í Lundi um nokkurra ára skeið að heiðra Lúsíu að sænskum sið. Það var hún Anna Englund í Sandfellshaga sem var upphafsmaður að þessu ásamt börnum hennar og Gunnars. Síðast liðinn miðvikudag var hátíðin þetta árið. Krakkarnir sungu hefðbundin Lúsíulög fyrir kennara og aðr nemendur. Skoða myndir

Unglingadeild skólans sýndi í gærkvöldi leikritið Gauragang við mjög góðar undirtektir sýningargesta. Tókst krökkunum frábærlega vel upp í hlutverkum sínum og sýndu skemmtilega hæfileika sem leikarar og söngvarar. Þeir sem voru það óheppnir að missa af sýningunni þurfa ekki að örvænta því til stendur að sýna leikritiið jafnvel aftur eftir jól. Myndir frá sýningunni er að finna hér.

Verkalýðsfélag Húsavíkur bauð leikskólabörnum Norðurþings í ferðalag í Dimmuborgir þann 13. des. Það voru börn fædd 2001 og 2002 sem stóð til boða að fara. Ferðin heppnaðist mjög vel. Gunna Magga fór með börnin úr Krílakoti til Húsavíkur þar sem rútur tóku við börnunum og keyrðu upp í Mývatnssveit.

 

Leiksýning

Unglingadeild Öxarfjarðarskóla sýnir Gauragang eftir Ólaf Hauk Símonarson fimmtudaginn 14. desember kl. 19:30 í Skúlagarði.

Allir eru velkomnir

Miðaverð:
Fullorðnir kr. 1.500.-
6-16 ára kr. 500.-
0-6 ára ókeypis

 

 

---

Nú er nýlokið afar velheppnaðri bekkjaheimsókn þar sem miðdeildin á Kópaskeri bauð miðdeildinni í Lundi til sín í heimsókn. Krakkarnir voru öll með tölu svo góð og yndisleg og þau skemmtu sér vel.

Nú er annarri umferð lokið í spurningakeppni grunnskólanna. Öxarfjarðarskóli komst ekki áfram, lendir í 3. eða 4. sæti. Borgarhólsskóli og Mývetningar munu keppa til úrslita.

Til hamingju með góðan árangur okkar fólk.

Fyrstu umferð er lokið í spurningakeppni grunnskólanna í Þingeyjarsýslum. I aðra umferð sem stendur nú yfir komust sigurliðin úr fyrstu umferð, ásamt stigahæsta tapliðinu. Öxarfjarðarskóli var stigahæstur í fyrri umferð og fer því áfram í aðra umferð. Gott hjá okkar fólki!!!

Spurningakeppni grunnskólanna

Á föstudaginn, 24. nóvember, verður spurningakeppni grunnskóla í Þingeyjarsýslu haldin í fyrsta sinn. Veg og vanda af keppninni hefur Framhaldsskólinn á Húsavík og stefnt er að því að þetta verði árlegur viðburður. Fimm skólar hafa tilkynnt þátttöku og einn þeirra sendir tvö lið. Búið er að draga um hverjir mætast í fyrstu umferð: Borgarhólsskóli A mætir Borgarhólsskóla B Litlulaugaskóli mætir Grunnskóla Raufarhafnar Grunnskóli Skútustaðahrepps mætir Öxarfjarðarskóla Keppnin fer fram í sal Borgarhólsskóla og hefst kl. 14:00. Gert er ráð fyrir áhugasömum áhorfendum að þessum viðburði. Úrslita viðureignin mun verða fyrsta atriði á árlegri haustannarvöku FSH sem hefur hið ágæta nafn “Gunna” og hefst á sama stað kl. 20:30 um kvöldið.                                                               Tekið af vef FSH

Haldin var undankeppni innan skólans um hverjir yrðu fulltrúar okkar í spurningakeppninni. Þeir sem skipa lið Öxarfjarðarskóla eru Aðalbjörn Jóhannson, Einar Ólason og Kristveig Halla Guðmundsdóttir. Eru þau verðugir fulltrúar skólans og eiga örugglega eftir að standa sig vel.

Ýmisleg verður gert annað til skemmtunar, pizzuveisla, kvöldvaka o.fl.