Árshátíð Öxarfjarðarskóla verður haldin í Skúlagarði fimmtudaginn 22. mars, kl.
19:00.
Fjölbreytt dagskrá er í boði og er hún í höndum 1. - 7. bekkjar
Veitingar verða seldar í hléi á sanngjörnu verði.
Allir velkomnir
Miðaverð
Fullorðnir: 1500 kr.
Börn 6-16 ára: 500 kr.
Hin árlega vorhátíð nemenda unglingadeildar var haldin í gær. Venjulega hefur hún verið á Hörpunni og því heitið Hörpugleði. Núna var ákveðið að hafa hana fyrr á dagskrá og var hátíðin því kölluð Góugleði að þessu sinni.
Upp er runninn öskudagur,Miðvikudaginn 7. febrúar buðu nemendur miðdeildar í Lundi félögum sínum frá Kópaskeri í heimsókn til sín. Þar var margt gert sér til skemmtunar, m.a. boðið upp á dýrindis súkkulaðikökur með kaffinu, farið út í þrautakeppni, haldin X-Factor keppni þar sem margir magnaðir söngfuglar tróðu upp, borðaðar pítsur og farið í leiki og dansað. Allir skemmtu sér vel langt fram á kvöld og er óhætt að segja að dagurinn hafi lukkast vel.
Myndir frá deginum eru komnar inn hér.
Valentínusarball var haldið
á vegum félagsmiðstöðvarinnar fyrir unglinga í 7.-10. bekk, föstudaginn 16. febrúar. Skipulag og skreytingar voru í höndum unglinganna
sjálfra. Smellið á "lesa meira" hér fyrir neðan til að lesa skrif Gunnu Möggu um kvöldið, en hún
hélt utan um það í fjarveru umsjónarmanns.
Undankeppni fyrir Söngkeppni Samfés var haldin á Sauðárkróki sl.
föstudagskvöld 2. febrúar. Við fórum með keppendur óg áhorfendur frá félagsmiðstöðvum sveitarfélagsins. Farið var
á tveimur rútum, samtals um 90 manns. Keppendur okkar stóðu sig með sóma og áttu öll skilið að fá viðurkenningu fyrir framlag sitt.
En ekki er hægt að láta alla vinna. Krakkarnir frá Húsavík unnu með sitt framlag, en fjórar aðrar félagsmiðstöðvar komust auk
þeirra í úrslitakeppnina.
Kristveig og Íris stóðu sig vel með sitt framlag og hefðu átt skilið að fá viðurkenningu fyrir frumlega búninga og líflega sviðsframkomu, en þar báru þær af.
Eftir keppnina var ball með Love Gúrú og var mikið dansað.
Í gær
heimsóttu okkur hljóðfæraleikarar frá Sinfóníuhljómsveit Norðurlands, ásamt Aðalsteini Bergdal leikara. Þau fluttu
ævintýrið Næturgalinn eftir H.C. Andersen við tónlist eftir hollenska tónskáldið Theo Loevendie. Verkið er samið fyrir 7
hljóðafæraleikara. Aðalsteinn Bergdal var sögumaður en Guðmundur Óli Gunnarsson stjórnaði verkinu. Tónleikarnir voru haldnir í
skólahúsinu á Kópaskeri og var þar saman komin allur Öxarfjarðarskóli og einnig komu nemendur og starfsfólk Grunnskólans á
Raufarhöfn til að hlýða á tónleikana með okkur. Var því fjölmennt í húsinu og þétt skipað í gryfjunni og
kringum hana.
Í gær var föndurdagur
í báðum deildum þar sem nemendur og kennarar föndruðu jólaföndur. Einnig kom þó nokkuð af foreldrum í heimsókn. Í
dag voru svo litlu jólin haldin hátíðleg eftir hádegi í báðum deildum skólans.
Í Lundi borðuðu starfsfólk, nemendur og leikskólabörn saman hátíðarmat og á eftir var ýmislegt fert til skemmtunar, s.s. pakkapúkk, sungin jólalög og gengið í kringum jólatré. Var mikil sönggleði hjá nemendum en Sigurður Tryggvason lék undir á harmonikkuna.
Á Kópaskeri fluttu nemendur 5.-7. bekkjar frumsamið leikrit á ensku sem þau höfðu sjálf samið og dönskunemendur sögðu nokkra brandara á dönsku. Foreldrum var boðið að koma og horfa á atriðin og komu þó nokkrir og höfðu gaman af. Síðan voru sungin nokkur jólalög við undirleik Björns Leifssonar. Að lokum tók við hefðbundin dagskrá, jólasaga, pakkapúkk og kökuveisla og bíó.
Leikskólabörn á Kópaskeri héldu sín litlu jól í morgun. Þau voru svo heppin að til þeirra villtust tveir jólasveinar,
all úfnir, en þeir höfðu ætlað í jólaklippingu til Rannveigar. Þeir gerðu sér ekki grein fyrir því að hún var
flutt svo þeir komu við í skólanum og heilsuðu upp á leikskólabörnin. Þessir sveinar hétu Hurðaaskellir
og Skyrgámur og þeir gáfu börnunum mandarínur og saltkringlur og súkkulaðibita í poka. Á leiðinni út
heilsuðu þeir upp á grunnskólabörnin og færðu þeim epli.