Verkalýðsfélag Húsavíkur bauð leikskólabörnum Norðurþings í ferðalag í Dimmuborgir þann 13. des. Það voru börn fædd 2001 og 2002 sem stóð til boða að fara. Ferðin heppnaðist mjög vel. Gunna Magga fór með börnin úr Krílakoti til Húsavíkur þar sem rútur tóku við börnunum og keyrðu upp í Mývatnssveit.

 

Leiksýning

Unglingadeild Öxarfjarðarskóla sýnir Gauragang eftir Ólaf Hauk Símonarson fimmtudaginn 14. desember kl. 19:30 í Skúlagarði.

Allir eru velkomnir

Miðaverð:
Fullorðnir kr. 1.500.-
6-16 ára kr. 500.-
0-6 ára ókeypis

 

 

---

Nú er nýlokið afar velheppnaðri bekkjaheimsókn þar sem miðdeildin á Kópaskeri bauð miðdeildinni í Lundi til sín í heimsókn. Krakkarnir voru öll með tölu svo góð og yndisleg og þau skemmtu sér vel.

Nú er annarri umferð lokið í spurningakeppni grunnskólanna. Öxarfjarðarskóli komst ekki áfram, lendir í 3. eða 4. sæti. Borgarhólsskóli og Mývetningar munu keppa til úrslita.

Til hamingju með góðan árangur okkar fólk.

Fyrstu umferð er lokið í spurningakeppni grunnskólanna í Þingeyjarsýslum. I aðra umferð sem stendur nú yfir komust sigurliðin úr fyrstu umferð, ásamt stigahæsta tapliðinu. Öxarfjarðarskóli var stigahæstur í fyrri umferð og fer því áfram í aðra umferð. Gott hjá okkar fólki!!!

Spurningakeppni grunnskólanna

Á föstudaginn, 24. nóvember, verður spurningakeppni grunnskóla í Þingeyjarsýslu haldin í fyrsta sinn. Veg og vanda af keppninni hefur Framhaldsskólinn á Húsavík og stefnt er að því að þetta verði árlegur viðburður. Fimm skólar hafa tilkynnt þátttöku og einn þeirra sendir tvö lið. Búið er að draga um hverjir mætast í fyrstu umferð: Borgarhólsskóli A mætir Borgarhólsskóla B Litlulaugaskóli mætir Grunnskóla Raufarhafnar Grunnskóli Skútustaðahrepps mætir Öxarfjarðarskóla Keppnin fer fram í sal Borgarhólsskóla og hefst kl. 14:00. Gert er ráð fyrir áhugasömum áhorfendum að þessum viðburði. Úrslita viðureignin mun verða fyrsta atriði á árlegri haustannarvöku FSH sem hefur hið ágæta nafn “Gunna” og hefst á sama stað kl. 20:30 um kvöldið.                                                               Tekið af vef FSH

Haldin var undankeppni innan skólans um hverjir yrðu fulltrúar okkar í spurningakeppninni. Þeir sem skipa lið Öxarfjarðarskóla eru Aðalbjörn Jóhannson, Einar Ólason og Kristveig Halla Guðmundsdóttir. Eru þau verðugir fulltrúar skólans og eiga örugglega eftir að standa sig vel.

Ýmisleg verður gert annað til skemmtunar, pizzuveisla, kvöldvaka o.fl.

Alþjóðlegi bangsadagurinn var 27. október. Af því tilefni skrifuðu yngstu nemendur skólans bangsasögur og/eða teiknuðu bangsamyndir. Stefanía á bókasafninu heimsótti síðan deildirnar í Lundi og á Kópaskeri í gær og veitti viðurkenningar fyrir þáttökuna. Allir nemendur fengu viðurkenningarskjal og einnig gaf Stefanía hvorri deild bókina Ljóð unga fólksins 2006 sem er safn ljóða nemenda á grunnskólaaldri. Einn heppinn nemandi úr hvorri deild var dreginn úr potti og fékk sá bókasafnsbangsa þessa árs. Hinir heppnu voru Ingunn og Úlfur. Stefanía mætti líka með bangsa síðustu ára og gátu nemendur skoðað þá og knúsað.

Síðast liðinn föstudag var haldið samskólamót grunnskólanna í Norður-Þingeyjarsýslu. Hittast þar nemendur úr 7.-10. bekk. Mótið var að þessu sinni haldið í Lundi.

Hrekkjavökukvöld var haldið í Félagsmiðstöðinni Beisinu sl. föstudagskvöld

Í morgun komu tónlistarmenn á vegum verkefnisins Tónlist fyrir alla og spiluðu fyrir nemendur og starfsfólks skólans. Tónleikarnir fóru fram í gryfjunni á Kópaskeri. Tónlistarmennirnir voru mjög ánægðir með hversu góðir áhorfendur voru og einnig hversu góður hljómburður er í húsinu. Krakkarnir skemmtu sér vel við að hlýða á ýmis klassísk verk eftir snillinga eins og Bach ásamt því að spila nýlegt verk eftir Mist Þorkelsdóttur. Einnig spiluðu þau kvartett ásamt Nokia gsm síma.