Fréttir

Öxarfjarðarskóla var slitið í­ dag, 20. maí­.

Veðurmælingar miðdeildar: Miðdeildin hefur verið að fást við veðurmælingar með Önku og notið útiveru um leið. Vettvangsskoðun yngsta stigs: Yngsta stig fór í­ fjárhúsin hjá Sigurði Tryggva og litu á sauðburðinn og litlu lömbin vöktu óskipta athygli hjá þeim. Leikskólinn: Starfsfólk leikskóladeilda hefur lagt áherslu á útiveru og hreyfingu og leikskólabörnin verið ótrúlega dugleg í­ gönguferðum.

Christoph fór með unglingadeildina í­ Akurgerði. Ungmennin höfðu undirbúið skil á skógræktarverkefni sem þau svo skiluðu af sér í­ skógí­num. Þetta tókst vel og skemmtilega og var drjúg útivera um leið.

Haldið var landshlutamót á Húsaví­k 6.-8.maí­, þar sem björgunarsveitir af Norðurlandi sameinuðust með sí­na ungliða við störf og leik. Þar var m.a. sigið, siglt og farið í­ uppbyggjandi leiki. Kristján Ingi fór að sjálfsögðu með vaskan hóp frá okkur sem kom sáttur og ánægður heim að loknu móti.

Atvinnuþema og skólaslit Atvinnuþema er dagana 17., 18. og 19. maí­. Skólaslit verða föstudaginn 20. maí­ kl 17:30.

Öxarfjarðarskóli - er heildstæður samrekinn leik- og grunnskóli með um alls 40 nemendur. Við leitum eftir í­þróttakennara sem er tilbúinn að taka þátt í­ þróun skólastarfs með öðrum starfsmönnum skólans. Við leggjum áherslu á fjölbreytta og sveigjanlega kennsluhætti, samvinnu og vellí­ðan starfsfólks og nemenda. Meðal kennslugreina eru: í­þróttakennsla og almenn bekkjarkennsla á yngsta stigi. Hæfnipróf í­ sundkennslu og þekking á Byrjendalæsi er mikilvægt. Umsóknarfrestur er til 20. maí­ 2016. Einnig leitum við eftir leikskólakennara eða starfsmanni við leikskóladeild Öxarfjarðarskóla á Kópaskeri. Þekking á leikskólstarfi æskileg. Umsóknarfrestur er til 31. maí­ 2016. Frekari upplýsingar veitir Guðrún S. Kristjánsdóttir skólastjóri. Sí­mi 4652246 e-mail gudrunsk@nordurthing.is

Í dag, þriðjudaginn 10. maí­, færði Stefán Leifur Rögnvaldsson Öxarfjarðarskóla bókina Land og fólk, byggðasögu Norður- Þingeyinga, að gjöf frá Búnaðarsambandi Norður- Þingeyinga. Gaman að fá þennan fróðleik í­ hús og við kunnum Búnaðarsambandi Norður- Þingeyinga bestu þakkir fyrir.

Kæru foreldrar/forráðamenn Bleikja í­ boði Silfurstjörnunnar í­ dag 9. maí­ 2016 Þegar Olga Gí­sladóttir, fyrir hönd Silfurstjörnunnar, hafði samband við matráð, Huldu Hörn og bauð skólanum okkar bleikju í­ matinn, var það þegið með þökkum. Bleikjan rann ljúflega niður í­ hádeginu og við kunnum Silfurstjörnunni bestu þakkir fyrir. Kær kveðja, Guðrún S. K.

Á morgun, þriðjudaginn 26. aprí­l ætla 6. bekkingar í­ Öxarfjarðarsskóla, Borgarhólsskóla, Reykjarhlí­ðarskóla og Grunnskólanum á Raufarhöfn að sameinast og kynna sér jarðhræringar í­ tengslum við eldgos og tengingar náttúruafla á svæðinu við goðafræði. Eitt af markmiðum er að flétta saman skemmtun og nám og vera með hópavinnu. Við skoðum Heimskautsgerðið við Raufarhöfn, Skjálftasetrið á Kópaskeri og Gljúfrastofu. Gist verður í­ í­þróttahúsinu í­ Lundi og að sjálfsögðu kvöldvaka o.fl. skemmtilegt á döfinni þar. Hulda og Laufey ætla að sjá um að taka vel á móti ferðalöngunum þegar þeir skila sér í­ hús og sjá um kaffi og kvöldmat. Veg og vanda af skipulagi hefur verið í­ höndum Jónu Kristí­nar í­ Borgarhólsskóla en hún hefur svo verið í­ samráði við kennara í­ viðkomandi skólum. Lotta og Anka munu fylgja okkar nemendum eftir.

Í dag 20. aprí­l er sí­ðasti vetrardagur. Þær stöllur í­ eldhúsinu ákváðu að gera okkur dagamun í­ tilefni dagsins og voru með rjómatertur, sannkallaðar hnallþórur, í­ kaffití­manum. Það var lí­flegt í­ húsinu í­ dag. Við nutum samveru við Grunnskólann á Raufarhöfn og eins voru fulltrúi skólaþjónustu og heilsugæslu í­ húsinu. Ég minni á sumardaginn fyrsta, sem er frí­dagur, og er á morgun fimmtudaginn 21. aprí­l.